ក្រុមបាល់ទាត់អាស៊ីអឺរ៉ុប សមាជិកពានរង្វាន់លីកកំពូលកម្ពុជា Metfone Cambodian League 2021 បានបញ្ជាក់នៅព្រឹកថ្ងៃព្រហស្បតិ៍ នេះថាក្លិបសម្រេចចែកផ្លូវគ្នាជាមួយកីឡាករកាមេរ៉ូន Abbee Ndjoo ដែលបច្ចុប្បន្នកំពុងតែឈរក្នុងបញ្ជីកីឡាកររកគ្រាប់បាល់បានច្រើនជាងគេបណ្តោះអាសន្ន។
កីឡាករ Abbee Ndjoo រកបានគ្រាប់បាល់១០គ្រាប់ម្នាក់ឯងអោយអាស៊ីអឺរ៉ុប ខណៈកាលពីពេលថ្មីៗនេះមានការបែកធ្លាយថារូបគេចូលរួមជាមួយក្រុមបឹងកេតអែហ្វស៊ី។ តែនេះគ្រាប់ជាពាក្យចចាមអារ៉ាម ដោយរង់ចាំការប្រកួតផ្លូវការរបស់ក្លិបសិន។
សូមបញ្ជាក់ថាថ្មីៗនេះក្លិបបាល់ទាត់អាស៊ីអឺរ៉ុបយូណាយធីត បានចែកផ្លូវជាមួយកីឡាករអ្នកចាំទី មាន គីមហុង ផងដែរ។
ទីផ្សារដោះដូរកីឡាករនៅកម្ពុជា ជើងទី២ នេះចាប់ផ្ដើមពីថ្ងៃទី២១ ខែកក្កដា ដល់ថ្ងៃទី២០ ខែសីហា ឆ្នាំ២០២១ ដោយ ក្លិបនីមួយៗក្នុងលីគកំពូលកម្ពុជា អាចធ្វើការដោះដូរកីឡាកររបស់ខ្លួនបានចំនួន៥នាក់ ដែលក្នុងនោះមានកីឡាករខ្មែរចំនួន៣នាក់ និងកីឡាករបរទេសចំនួន២នាក់ផងដែរ៕
