ព្រឹត្តិការណ៍ប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup 2024 បានបញ្ចប់ ចំនួន ៤ភូមិភាគរួចមកហើយ នឹងឈានដល់ភូមិភាគទី៥ នៅមណ្ឌលព្រះសីហនុ នៅចុងសប្ដាហ៍នេះ។
សម្រាប់គោលដៅទី៥ ដែលរៀបចំពាន Wurkz Special Volleyball Cup 4×4 2024 ចុងក្រោយនេះគឺ មណ្ឌលព្រះសីហនុ ដែលនឹងចាប់ធ្វើឡើងនៅថ្ងៃទី ២៣-២៤ ខែមិនា 2024 នៅក្នុងនោះមានខេត្ត កំពង់ស្ពឺ ព្រះសីហនុ កែប កំពត កោះកុងជាដើម។
ក្នុងនោះក្រុមចំនួន១១ នឹងចូលរួមការប្រកួតប្រជែងរួមមាន៖
១. ស្នងការដ្ឋាន ន.ប ខេត្តព្រះសីហនុ
២. ស្នងការដ្ឋាន ន.ប ខេត្តកែប
៣. ក្រុមបាល់ទះវិទ្យាល័យចំនេះដឹងទូទៅ
៤. ស្នងការដ្ឋាន ន.ប ខេត្តតាកែវ
៥. ក្រុមកីឡាបាល់ទះចចកខ្មៅ
៦. ក្លឹបបាល់ទះបុរីឈ្នះឈ្នះ
៧. តារាងបាល់ទះសាំហាន់
៨. ក្លឹឹបបាល់ទះរួមមិត្ត
៩. ស្នងការដ្ឋាន ន.ប ខេត្តកោះកុង
១០. ក្លិបបាល់ទះក្រុងបូកគោ
១១. ក្លឹបបាល់ទះនាគ១៨
ខណ:ក្រុមខ្លាំទាំង ៨ដែលបានរកឃើញនៅភូមិភាគទាំង ៤រួចមកហើយមាន៖
ភូមិភាគទី១ ប្រចាំមណ្ឌលបាត់ដំបង ជ័យលាភីលេខ១៖ ក្លិបកីឡាបាល់ទះបាត់ដំបង លេខ២៖ សមាគមកីឡាបាល់ទះក្រសួងមហាផ្ទៃ (B)
ភូមិភាគទី២ ប្រចាំមណ្ឌលសៀមរាប ជ័យលាភីលេខ១៖ កងពលធំអន្តរាគម៍លេខ៣ (B) លេខ២៖ ស្នងការដ្ឋាន ន.ប ឧត្ដមានជ័យ
ភូមិភាគទី៣ ប្រចាំមណ្ឌលកមពង់ចាម ជ័យលាភីលេខ១៖ ស្នងការដ្ឋាន ន.ប ខេត្តត្បូងឃ្មុំ លេខ២៖ ស្នងការដ្ឋាន ន.ប ខេត្តកំពង់ចាម
ភូមិភាគទី៤ ប្រចាំមណ្ឌលព្រៃវែង ជ័យលាភីលេខ១៖ ស្នងការដ្ឋាន ន.ប រាជធានីភ្នំពេញ B លេខ២៖ ស្នងការដ្ឋាន ន.ប ខេត្តកណ្ដាល
ក្រោយបញ្ចប់ការប្រកួតទាំង ៥ភូមិភាគ ម្ចាស់ជ័យលាភីដែលទទួលបានលេខ១ និងលេខ២ មានឈ្មោះដោយស្វ័យប្រវត្តិសម្រាប់ធ្វើការប្រកួតនៅរាជធានីភ្នំពេញ ដែលជាវគ្គជុំផ្ដាច់ព្រ័ត្រគ្រោងនឹងរៀបចំនៅថ្ងៃទី ២២ ដល់ថ្ងៃទី ២៨ ខែមេសា ឆ្នាំ២០២៤។ សម្រាប់មណ្ឌលរាជធានីភ្នំពេញ នឹងផ្ដល់ឱកាសទៅដល់បណ្ដាល ក្លិបធំៗទាំង ៦ដែលជាប់លេខរៀងពីលេខ ១ដល់លេខ ៦នៅក្នុងព្រឹត្តិការណ៍ តេជោលីគ ត្រូវឈរជើងចាំ ចំពោះបេក្ខជនដែលមកតាមបណ្ដាលខេត្ត ឬភូមិភាគទាំង៥៕