ក្រុមបាល់ទាត់ក្នុងសាលជម្រើសជាតិព័រទុយហ្គាល់ បានយកឈ្នះលើក្រុមជម្រើសជាតិជប៉ុន ដោយលទ្ធផល ៣ទល់២ ក្នុងជំនួបមិត្តភាពអន្តរជាតិកម្តៅសាច់ដុំដើម្បីត្រៀមប្រកួតពានរង្វាន់ជើងឯកពិភពលោក FIFA Futsal World Cup នៅប្រទេសលីទុយអានី។
នេះជាជ័យជម្នះរបស់ព័រទុយហ្គាល់ យកឈ្នះលើក្រុមជប៉ុន នៅថ្ងៃទី១៨ខែសីហា ឆ្នាំ២០២១ ខណៈប្រកួតមិត្តភាពបន្ទាប់ក្រុមនេះត្រូវជួបក្រុមវេណេហ្ស៊ុយអេឡា នៅនៅថ្ងៃទី២០ ខែសីហា ឆ្នាំ២០២១ នៅទីលាន Pavilhao Rio Marior ដូចគ្នាក្នុងប្រទេសខ្លួន។
សូមបញ្ជាក់ថាក្រុមបាល់ទាត់ហ្វូតសាលជម្រើសជាតិ៥ប្រទេស តំណាងឱ្យទ្វីបអាស៊ី ទៅចូលរួមប្រកួតក្នុងពានរង្វាន់ហ្វូតសាលជើងឯកពិភពលោក 2021 FIFA Futsal World Cup នៅប្រទេសលីទុយអានី ក្នុងទ្វីបអឺរ៉ុប ចាប់ពីថ្ងៃទី១២ ខែកញ្ញា ដល់៣ ខែតុលា ឆ្នាំ២០២១ ខាងមុខ ដោយក្នុងនោះមាន ថៃ ជប៉ុន អ៊ីរ៉ង់ អ៊ូបេគីស្ថាន និងវៀតណាម៕
