កីឡាករ គួន ម៉ុម សមាជិករបស់សមាគមបាល់ទះវិសាខា បានផ្ទេរទៅចូលរួមជាមួយក្លិបបាល់ទះ Lavie Long An នៅប្រទេសវៀតណាម (ក្នុងលក្ខខណ្ឌខ្ចីជើង) ជាលើកទី២ ដើម្បីចូលរួមប្រកួតប្រជែងក្នុងពានរង្វាន់បាល់ទះ ជើងឯកថ្នាក់ជាតិ ជុំទី១ ឆ្នាំ២០២៤ ។
ក្លិបបាល់ទះ Lavie Long An គឺជាក្លិបដែលកីឡាករ គួន ម៉ុម ត្រៀមប្រកបអាជីប នៅប្រទេសវៀតណាម នឹងត្រូវប្រកួតពានរង្វាន់ជើងឯកថ្នាក់ជាតិឆ្នាំ២០២៤ ជើងទី១ នៅចុងខែមីនា នេះ។
សារព័ត៌មានត្រយង សូមជម្រាបជូនប្រិយមិត្តអំពីកាលវិភាគរបស់កីឡាករ គួន ម៉ុម ដែលត្រូវប្រកួតនៅជើងទី១ ដូចតទៅ ៖
- នៅថ្ងៃទី៣០ ខែមីនា ឆ្នាំ២០២៤ Lavie Long An ប៉ះ Sanest Khánh Hòa
- នៅថ្ងៃទី១ ខែមេសា ឆ្នាំ២០២៤ Lavie Long An ម៉ះ Danang
- នៅថ្ងៃទី២ ខែមេសា ឆ្នាំ២០២៤ Lavie Long An ប៉ះ LP Bank Ninh Binh
- នៅថ្ងៃទី៥ ខែមេសា ឆ្នាំ២០២៤ Lavie Long An ប៉ះ Ha Tinh
- នៅថ្ងៃទី៦ ខែមេសា ឆ្នាំ២០២៤ Lavie Long An Thể Công
សម្រាប់កម្មវីធីប្រកួតពានរង្វាន់បាល់ទះ ជើងឯកថ្នាក់ជាតិ ជុំទី១ ឆ្នាំ២០២៤ នៅថ្ងៃបើកឆាកនោះគឺក្រុម LP Bank Ninh Binh ត្រូវប៉ះ Border Guard ខណៈក្រុម Ha Tinh ត្រូវប៉ះ XSKT Vĩnh Long នៅថ្ងៃទី៣០ ខែមីនា ឆ្នាំ២០២៤ ខាងមុខនេះ។
ក្រោយបញ្ចប់ការប្រកួតនៅជើងទី១ ការប្រកួតនៅជើងទី២ នឹងចាប់ផ្តើមឡើងវិញនៅចុងឆ្នាំ២០២៤ វិញ ពោលគឺសម្រាករយះពេលវែង។
សូមជម្រាបថា កីឡាករ គួន ម៉ុម គឺជាកីឡាករខ្មែរទី២ ដែលផ្លាស់ទៅចូលក្រុមនៅក្រៅប្រទេស បន្ទាប់ពីកីឡាករ វឿន វាសនា បច្ចុប្បន្នកំពុងប្រកបអាជីពនៅលីគបាល់ទះតៃវ៉ាន់ Enterprise Volleyball League។
