កាលពីថ្ងៃទី២០ ខែមីនា ឆ្នាំ២០២៤ ក្រសួងអប់រំ យុវជន និងកីឡា បានចេញសេចក្ដីប្រកាសមួយស្ដីអំពី ការរៀបចំ និងការប្រព្រឹត្តិទៅនៃការប្រឡងជ្រើសរើសសិស្សពូកែ ប្រចាំរាជធានី ខេត្ត និងទូទាំងប្រទេស សម្រាប់ឆ្នាំសិក្សា២០២៣-២០២៤ នេះ។
ការប្រឡងជ្រើសរើសសិស្សពូកែប្រចាំថ្នាក់ទី៩ និងថ្នាក់ទី១២ ចែកចេញជា ៤វិញ្ញាសា មានអក្សរសាស្ត្រខ្មែរ រយៈពេលប្រឡង ១៨០នាទី ពិន្ទុពេញ ១០០ពិន្ទុ គណិតវិទ្យា រយៈពេលប្រឡង ១៨០នាទី ពិន្ទុពេញ ១០០ពិន្ទុ រូបវិទ្យា រយៈពេលប្រឡង ១៨០នាទី ពិន្ទុពេញ ១០០ពិន្ទុ និងវប្បធម៌ទូទៅ រយៈពេលប្រឡង ១២០នាទី ពិន្ទុពេញ ១០០ពិន្ទុ។ សិស្សពូកែទាំងប្រាំចំណាត់ថ្នាក់មានពីលេខ១ ដល់លេខ៥ នឹងទទួលបានអត្ថប្រយោជន៍ដូចជា មេដាយមួយគ្រឿងសម្រាប់ចំណាត់ថ្នាក់ពីមួយ ដល់ទីបី វិញ្ញាបនបត្របញ្ជាក់សិស្សពូកែទូទាំងប្រទេសមួយច្បាប់ និងប្រាក់រង្វាន់ទៅតាមចំណាត់ថ្នាក់ផងដែរ។
ដើម្បីជ្រាបកាន់តែច្បាស់ពីសេចក្ដីប្រកាសណែនាំខាងលើសូមបងប្អូនសិស្សានុសិស្សដែលចង់ប្រកួតប្រជែងសិស្សពូកែ អានសេចក្ដីប្រកាសរបស់ក្រសួងអប់រំ យុវជន និងកីឡាខាងក្រោមនេះដូចតទៅ