កំណាព្យ៖ បទ ព្រហ្មគីតិ
ជោគជ័យជារឿងល្អ សូមបន្តអ្នកជោគជ័យ
បានជោគត្រូវចេះលៃ ក្រែងចួបភ័យជ័យចៀសឆ្ងាយ។
ជោគជ័យដល់ជោកជាំ ក្រែងគ្រេចគ្រាំខ្ទាំរូបកាយ
បោកបែងក្លែងនាយអាយ ឯងសប្បាយគេកើតទុក្ខ។
ជោគជ័យពីឆបោក នាំថយថោកឈ្មោះទៅមុខ
គេដៀលដល់ឪពុក ត្រូវកើតទុក្ខដល់ទាំងម្តាយ។
លុយញើសលុយឈាមគេ មិនស្រួលទេក្តៅក្រហាយ
កុំបោកគេយកចាយ អន្តរាយកេរ្តិ៍តផៅ។
រកស៊ីតាមផ្លូវត្រង់ ឈ្មោះត្រចង់ឥតហ្មងសៅ
ជោគជ័យគ្មានអ្នកក្តៅ ទើបគេហៅជោគជ័យពិត៕