សិល្បៈជាតិ៖ នៅព្រឹកថ្ងៃទី២៧ ខែមីនា ឆ្នាំ២០២៤ មានកម្មវិធីរៀបមង្គលការអធិកអធមចំនួន២ ដែលកំពុងតែធ្វើឱ្យសាធារណជនផ្ដោតការចាប់អារម្មណ៍ជាខ្លាំង ព្រោះជាកម្មវិធីរៀបអាពាហ៍ពិពាហ៍របស់កូនលោកធំ និង កូនស្រីរបស់អភិជន។
អាពាហ៍ពិពាហ៍ដ៏ធំប្រចាំឆ្នាំរបស់គូស្វាមីភរិយាថ្មោងថ្មី២គូ គឺ គូលោក ហេង សុខ វិសាល និងកញ្ញា ជា ស្រីនា អ្នកផលិតមាតិកាដ៏មានឥទ្ធិពល និងគូ ឯកឧត្តម សុខ សង្វារ អនុរដ្ឋលេខាធិការក្រសួងសាធារណការ និងកញ្ញា អ៊ឹង ឈីវលី ហៅលីលី ថៅកែសិប្បកម្មនំស្រួយ លីលី។
ពិធីមង្គលលំដាប់សេដ្ឋី និងអ្នកមានបុណ្យស័ក្តិខ្ពង់ខ្ពស់នៅស្រុកខ្មែរនេះ ទំនងជាចំណាយថវិកាច្រើនសន្ធឹកសន្ធាប់ ព្រោះគ្រាន់តែចំណាយលើការតុបតែងផ្កាស្រស់ ក៏ចូលខ្ទង់រាប់សិបម៉ឺនដុល្លារដែរ នេះមិននិយាយដល់ការចំណាយផ្សេងៗនៅឡើយ។
សូមមើលរូបភាពទិដ្ឋភាពខ្លះៗ នៃកម្មវិធីរៀបមង្គលការរបស់គូស្នេហ៍លំដាប់អភិជនខាងក្រោមនេះ
