ព្រឹត្តិការណ៍ប្រកួតកីឡាបាល់ទះ សិស្សបឋមសិក្សា ថ្នាក់ជាតិ ប្រចាំឆ្នាំ២០២៤ នឹងត្រូវចាប់ផ្តើមប្រកួតជាផ្លូវការ ចាប់ពីថ្ងៃទី៣១ ខែមីនា ខាងមុខនេះ ដែលមានផ្នែកកុមារ៉ា និងកុមារី។
ក្នុងនោះសម្រាប់ការប្រកួតបាល់ទះផ្នែកកុមារ៉ា សិស្សបឋមសិក្សាថ្នាក់ជាតិ ឆ្នាំ២០២៤ មានចំនួន ២៣ក្រុមមកពីបណ្ដាលរាជធានី-ខេត្ត និងបានបែងចែកជា ៨ពូល។ ខណ:សម្រាប់ ការប្រកួតបាល់ ទះផ្នែកកុមារី សិស្សបឋមសិក្សាថ្នាក់ជាតិ ឆ្នាំ២០២៤ មានចំនួន ១៧ក្រុមមកពីបណ្ដាលរាជធានី-ខេត្ត និងបានបែងចែកជា ៤ពូល។
សម្រាប់ទីលាប្រកួត មានទីលានទីI វិមានពហុកីឡដ្ឋានជាតិអូឡាំពិក ទីលានទីII ខាងក្រៅក្នុងពហុកីឡដ្ឋានអូឡាំពិក ទីលានទី III វិទ្យាល៏យវត្តកោះ ទីលានទីIV វិទ្យាស្ថានជាតិអបរំកាយ និងកីឡា។
គួរបញ្ជាក់ថា កម្មវិធីប្រកួតកីឡាបាល់ទះសិស្សសាលាបឋមសិក្សា ជ្រើសរើសជើងឯកប្រចាំឆ្នាំសិក្សា ២០២៤ គ្រោងធ្វើឡើងចាប់ពីថ្ងៃទី៣១ ខែមីនា រហូតដល់ថ្ងៃទី០៧ ខែមេសា ឆ្នាំ២០២៤ ដែលក្នុងនោះផ្នែកបឋមសិក្សាមានវិញ្ញាសាកីឡាបាល់ទះ មានផ្នែកកុមារ៉ា និងកុមារី៕
