សហព័ន្ធកីឡាទូកកានូ និងរ៉ូអ៊ីងកម្ពុជា បានរៀបចំធ្វើតេស្ត ដើម្បីស្វែងរកកីឡាករដែលមានសមត្ថភាព ដើម្បីចូលរួមក្នុងក្រុមជម្រើសជាតិកម្ពុជា សម្រាប់ឆ្នាំ២០២៤ ស្រប់ទៅតាមគោលការណ៍របស់ក្រសួងអបរំ យុវជននិងកីឡា។
ក្នុងការធ្វ់តេស្តសមត្ថភាពនេះមានកីឡាករ-កីឡាការិនី ចូលរួមប្រកួតប្រជែងមានចំនួន ៥០នាក់ នៅទីបញ្ជារការដ្ឋានកងទ័ពជើងទឹក។ ក្នុងត្រូវបានជ្រើសរើសយកចំនួន ២០នាប៉ុណ្ណោះសម្រាប់កីឡាករ និង ៦នាក់សម្រាប់កីឡាការិនី រួមជាមួយគ្រូបង្វឹកចំនួន ៤នាក់ ដើម្បីប្រមូលផ្ដុំហ្វឹកហាត់ចាប់ពីខែមេសា ខាងមុខនេះតទៅ។
សម្រាប់លទ្ធផលក្រោយ ការប្រកួតធ្វើតេស្តជ្រើសរើសកីឡាករ កីឡាការិនី ចូលហ្វឹកហាត់ក្នុងក្រុមជម្រើសជាតិកីឡាទូកនាគ ទូកកានូ-កាយ៉ាក់ និងទូករ៉ូអ៊ីងប្រចាំឆ្នាំ២០២៤មាន៖
គួរបញ្ជាក់ថា សម្រាប់ការធ្វើតេស្តសមត្ថភាពនេះ គឺផ្ដោតសំខាន់លើក ៣ចំណុចគឺ ការធ្វើតេស្តលើកកាយសប្បទា កម្លាំងកាយ រួមជាមួយគុណភាពបច្ចេកទេស។ ខណ:កីឡាករដែលបានចូលរួមធ្វើតេស្តមកពីក្រសួងមហាផ្ទៃ កងទ័ពជើងទឹក ខេត្តព្រៃវែង ខេត្តស្វាយរៀង និងខេត្តកោះកុង ដោយបានផ្ដោសំខាន់លើក ៣ប្រភេទវិញ្ញាសាមាន ទូកនាគ ទូកកានូ-កាយ៉ាក់ និងទូករ៉ូអ៊ីង៕
