សហព័ន្ធកីឡាគុនល្បុក្កតោ ឥណ្ឌា នឹងធ្វើការរៀបចំការប្រកួតគុនល្បុក្កតោ ដើម្បីជ្រើសរើសជើងឯកថ្នាក់ជាតិ លើកទី១ ឆ្នាំ២០២៤ (1st Kun Bokator Federation Cup 2024) ដែលមានការចូលរួមប្រកួតប្រជែងពីកិឡាករគុនល្បុក្កតោ ជាច្រើនរូប។
ការប្រកួតដើម្បីជ្រើសរើសជើងឯកថ្នាក់ជាតិ គុនល្បុក្កតោ លើកទី១ ឆ្នាំ២០២៤ នឹងគ្រោងរៀបចំ ឡើងរយ:ពេល ២ថ្ងៃ គឺចាប់ពីថ្ងៃទី២០ រហូតដល់ថ្ងៃទី២១ ខែមេសា ឆ្នាំ២០២៤។ ការប្រកួត នឹងធ្វើឡើងនៅទីតាំង Maharashra ក្នុងទីក្រុង Shirdi ប្រទេស India។
គួរបញ្ជាក់ថា «គុនល្បុក្កតោ» ជាក្បាច់គុនអត្តសញ្ញាណជាតិរបស់កម្ពុជាដែលត្រូវបានចុះបញ្ជីបេតិកភ័ណ្ឌសម្បត្តិវប្បធម៌អរូបីយនៃមនុស្សជាតិរបស់អង្គការ UNESCO ជាផ្លូវការកាលថ្ងៃទី២៩ ខែវិច្ឆិកា ឆ្នាំ២០២២ កន្លងទៅ។ ការដាក់បញ្ចូលនេះ គឺជាការបន្ថែមនូវគុណតម្លៃសម្រាប់ប្រទេសកម្ពុជាដាក់កីឡា គុនល្បុក្កតោ ក្នុងការប្រកួតកីឡាស៊ីហ្គេម នាឆ្នាំ២០២៣៕
