តាមគម្រោង នៃការប្រកួតពានរង្វាន់បាល់ទាត់ សម្តេចតេជោ ហ៊ុន សែន (Hun Sen Cup) ថ្នាក់ជាតិ រដូវកាល ឆ្នាំ២០២៣-២៤ វគ្គ៨ក្រុមចុងក្រោយនេះ នឹងធ្វើឡើងប្តូរទឹកដីគ្នាទៅមក មាន២ប្រកួត ដោយជើងទី១ ធ្វើឡើងកាលពីថ្ងៃទី៦ ខែមីនា ហើយជើងទី២ ធ្វើឡើងនៅថ្ងៃទី១០ ខែមេសា ហើយក្រុមខ្លាំងមានឈ្មោះឡើងទៅវគ្គពាក់កណ្ដាលផ្ដាច់ព្រ័ត្រ។
ក្នុងជំនួបជើងទី១ កន្លងមកព្រះខ័នរាជស្វាយរៀង បានយកឈ្នះបឹងកេត ខណ:ភ្នំពេញក្រោន ស្មើជាមួយវិសាខា នៅវគ្គពាក់កណ្ដាលផ្ដាច់ព្រ័ត្រ ជើងទី១ នៃពានរង្វាន់បាល់ទាត់ សម្តេចតេជោ ហ៊ុន សែន (Hun Sen Cup) ថ្នាក់ជាតិ រដូវកាល ឆ្នាំ២០២៣-២៤។
កម្មវិធីប្រកួត នៅវគ្គពាក់កណ្តាលផ្តាច់ព្រ័ត្រជើងទី២ ថ្ងៃទី១០ ខែមេសា ឆ្នាំ២០២៤៖
- ព្រះខ័នរាជស្វាយរៀង ប៉ះ បឹងកេត នៅកីឡដ្ឋាន ស្វាយរៀង វេលាម៉ោង ១៨:០០នាទីល្ងាច
- ភ្នំពេញក្រោន ប៉ះ វិសាខា នៅកីឡដ្ឋាន ស្មាត អអេសអិន វេលាម៉ោង ១៨:០០នាទីល្ងាច
លទ្ធផលប្រកួត នៅវគ្គពាក់កណ្តាលផ្តាច់ព្រ័ត្រជើងទី១ ថ្ងៃទី០៦ ខែមីនា ឆ្នាំ២០២៤៖
- បឹងកេត ១-៣ ព្រះខ័នរាជស្វាយរៀង នៅពហុកីឡដ្ឋានជាតិ អូឡាំពិក
- វិសាខា ២-២ ភ្នំពេញក្រោន នៅកីឡដ្ឋាន ព្រីនស៍
ជំនួបទាំង២ ជើងនេះក្រុមដែលមានគ្រាប់បាល់ច្រើននឹងត្រូវឡើងជួបគ្នានៅវគ្គផ្ដាច់ព្រ័ត្រ នៅថ្ងៃទី២៨ ខែមេសា ឆ្នាំ២០២៤ ដើម្បីដណ្ដើមជើងឯក នៃពានរង្វាន់បាល់ទាត់សម្តេចតេជោ ហ៊ុន សែន (Hun Sen Cup) លើកទី១៧ រដូវកាល ឆ្នាំ២០២៣-២៤ ថ្នាក់ជាតិ។
ដូច្នេះអតីតម្ចាស់ជើងឯកដែលនៅសល់ក្នុងវគ្គ៨ក្រុមចុងក្រោយមានដូចជា៖
១) ព្រះខ័នរាជស្វាយរៀង ធ្លាប់ឈ្នះ៤សម័យកាល (២០១១,២០១២,២០១៥,២០១៧)
២) វិសាខា ធ្លាប់ឈ្នះ៣សម័យកាល (២០២០,២០២១,២០២២)
៣) ភ្នំពេញក្រោន ធ្លាប់ឈ្នះ២សម័យកាល (២០០៨,២០០៩)
៤) ណាហ្គាវើល ធ្លាប់ឈ្នះ១សម័យកាល (២០១៣)
៥) បឹងកេត ធ្លាប់ឈ្នះ១សម័យកាល (២០១៩)
ចំណែកក្រុមខេមរាកីឡា ដែលធ្លាប់ឈ្នះជើងឯកកាលពីរដូវកាលទី១ ក្នុងឆ្នាំ២០០៧ កន្លងទៅបានរំសាយក្លិបបាត់ទៅហើយ៕
