សិល្បៈជាតិ៖ កាលពីរសៀលថ្ងៃទី២ ខែមេសា ឆ្នាំ២០២៤ នាអាកាសយានដ្ឋានអន្តរជាតិភ្នំពេញមានលក្ខណៈកកកុញជាខ្លាំង ដោយសារតែអ្នកគាំទ្រយុវតី ជូរី ល្អហួស ម្ចាស់មកុដ Miss Preteen Junior Idol World 2024 ត្រលប់មកពីប្រកួតនាប្រទេសថៃ។
សន្ទុះគាំទ្រតាំងពីចាប់ផ្ដើមប្រកួតរហូតដល់ប្រកួតចប់របស់យុវតីរូបនេះមិនបានស្រក់ស្រុតនោះឡើយគឺមានតែកើនឡើងពីមួយថ្ងៃទៅមួយថ្ងៃ។ ល្អហួសបានថ្លែងពីក្ដីរំភើបរីករាយរបស់ខ្លួនដែលអាចនាំយកមកុដដំបូងពីឆាកអន្តរជាតិមកជូន ពុកម៉ែ បងប្អូន ជាអ្នកគាំទ្រខ្លួនបានសម្រេចមិនធ្វើឱ្យអ្នកគាំទ្រទាំងអស់ខកបំណង។ នៅក្នុងនោះគេក៏បានឃើញពីទឹកចិត្តហ្វេនៗបានរៃអង្គាសគ្នាជាថវិកាធ្វើជាបាច់ផ្កាប្រាក់ និងនំខេក ដើម្បីអបអរសាទរក៏ដូចជាស្វាគមន៍ Queen តូចត្រលប់មកមាតុប្រទេសវិញ។
លោកស្រី មាស ច័ន្ទដាលីន ក្នុងនាមជាស្ពន់សឺ ជួយឧបត្ថម្ភឈុតតំណាងជាតិដល់ល្អហួស និងជាស្ពន់សឺធំ នៃកម្មវិធីនោះ បានថ្លែងថា លោកស្រី មានជំនឿចិត្ត នាថ្ងៃអនាគតដ៏ខ្លី ជូរី ល្អហួស ច្បាស់ជាអាចឈ្នះមកុដធំជាងនេះទៀតសម្រាប់ប្រទេសជាតិរបស់យើង៕
