បន្ទាយមានជ័យ៖ ភ្លើងឆេះជញ្ជ្រាំងវាលស្រែរាលដាលឆេះ ក្ចុះ១ខ្នង និងផ្ទះពលរដ្ឋចាំស្រែ១ខ្នង ប្រជាពលរដ្ឋភ័យស្លន់ស្លោរខ្លាចឆេះដល់ផ្ទះខ្លួនកំពុងរស់នៅកើតឡើងនៅរសៀលថ្ងៃទី០៣ ខែមេសា ឆ្នាំ២០២៤នៅខាងត្បូងភូមិសែសិន សង្កាត់អូរអំបិល ក្រុងសិរីសោភ័ណ។
នៅពេលដែលអគ្គីភ័យឆាបឆេះ លោក ហ៊ិល រីយ៉ា អភិបាលរងខេត្តបន្ទាយមានជ័យ បានដឹកនាំកម្លាំងចុះអន្តរាគមន៍ពន្លត់មិនតិចជាង ១០០នាក់ មានកម្លាំងនគរបាល កងរាជអាវុធហត្ថ យោធាតំបន់ប្រតិបត្តិការសឹករងខេត្ត និងរថយន្ត៤ទៅ៥គ្រឿង មានរថយន្តពន្លត់អគ្គីភ័យស្នងការដ្ឋាននគរបាលខេត្ត និងរថយន្តពន្លត់អគ្គីភ័យកងរាជអាវុធហត្ថខេត្ត។
លោក ហ៊ិល រ៉ាយ៉ា បានប្រាប់ថា នៅពេលអគ្គិភ័យឆាបឆេះ បើតាមបងប្អូនប្រជាពលរដ្ឋប្រាប់រៀបរាប់ថា មានអ្នកភ្ជួរស្រែហើយដុតជញ្ជ្រាំងវាលស្រែខាងត្បូងភូមិហើយរាលដាលឆាបឆេះគុម្ពឫស្សី អស់មិនតិចជាង១០គុម្ព បណ្តាលឲ្យរាលឆាបឆេះផ្ទះប្រជាពលរដ្ឋ១ខ្នងថ្មប្រក់ស័ង្កសីទុកចោល និងឆេះក្ចុះឈើប្រក់ស្បូវអស់១ខ្នង ទាំងស្រុង ធ្វើឲ្យប្រជាពលរដ្ឋមានការភ័យខ្លាចនៅពេលភ្លើងកំពុងឆាបឆេះក្បែរភូមិក្រែងឆេះរាលដល់់ផ្ទះអ្នកភូមិបន្តទៀត។
លោកបានបញ្ជាក់ថា ក្រោយអគ្គិភ័យឆាបឆេះគុម្ពឫស្សីក្បែរភូមិប្រជាពលរដ្ឋនាំគ្នាភ័យស្លន់ស្លោរ ហើយលោកបានដឹកនាំកម្លាំងមិនតិចជាង១០០នាក់ មានកម្លាំងនគរបាល កងរាជអាវុធហត្ថ យោធាតំបន់ប្រតិបត្តិការសឹករងខេត្ត និងរថយន្ត៤ទៅ៥គ្រឿងមានរថយន្តពន្លត់អគ្គិភ័យរបស់ស្នងការដ្ឋាននគរបាលខេត្ត និងរថយន្តពន្លត់អគ្គីភ័យរបស់ទីបញ្ជាការកងរាជអាវុធហត្ថខេត្តបន្ទាយមានជ័យបានបាញ់ពន្លត់រលត់ទាំងស្រុង៕
អត្ថបទ៖ ប៉ោយប៉ែត
