ពានរង្វាន់បាល់ទាត់ សម្តេចតេជោ ហ៊ុន សែន (Hun Sen Cup) ថ្នាក់ជាតិ រដូវកាល ឆ្នាំ២០២៣-២៤ បានឈានដល់វគ្គពាក់កណ្តាលផ្តាច់ព្រ័ត្រ ជើងទី២ហើយ ខណ:នៅល្ងាចថ្ងៃពុធ ទី១០ ខែមេសា ភ្នំពេញក្រោន ត្រូវទទួលវិសាខា នៅកីឡដ្ឋាន Smart RSN ខណ:ព្រះខ័នរាជស្វាយរៀង ទទួលបឹងកេត នៅកីឡដ្ឋានខេត្តស្វាយរៀង។
កម្មវិធីប្រកួត នៅវគ្គពាក់កណ្តាលផ្តាច់ព្រ័ត្រជើងទី២ ថ្ងៃទី១០ ខែមេសា ឆ្នាំ២០២៤៖
- ព្រះខ័នរាជស្វាយរៀង ប៉ះ បឹងកេត នៅកីឡដ្ឋាន ស្វាយរៀង វេលាម៉ោង ១៨:០០ល្ងាច
- ភ្នំពេញក្រោន ប៉ះ វិសាខា នៅកីឡដ្ឋាន ស្មាត អអេសអិន វេលាម៉ោង ១៨:០០ល្ងាច។
លទ្ធផលប្រកួត នៅវគ្គពាក់កណ្តាលផ្តាច់ព្រ័ត្រជើងទី១ កាលពីថ្ងៃទី៦ ខែមីនា ឆ្នាំ២០២៤៖
- បឹងកេត ១-៣ ព្រះខ័នរាជស្វាយរៀង នៅពហុកីឡដ្ឋានជាតិ អូឡាំពិក
- វិសាខា ២-២ ភ្នំពេញក្រោន នៅកីឡដ្ឋាន ព្រីនស៍។
ស្របពេលវគ្គផ្ដាច់ព្រ័ត្រ ដើម្បីដណ្ដើមជើងឯក នៃពានរង្វាន់បាល់ទាត់សម្តេចតេជោ ហ៊ុន សែន (Hun Sen Cup) លើកទី១៧ រដូវកាល ឆ្នាំ២០២៣-២៤ ថ្នាក់ជាតិ នឹងធ្វើឡើងនៅថ្ងៃទី២៨ ខែមេសា ឆ្នាំ២០២៤ ខាងមុននេះ។
ខាងក្រោមនេះគឺជាម្ចាស់ជើងឯកដែលនៅធ្លាប់ឈ្នះ Hun Sen Cup៖
១) ព្រះខ័នរាជស្វាយរៀង ធ្លាប់ឈ្នះ៤សម័យកាល (២០១១,២០១២,២០១៥,២០១៧)
២) វិសាខា ធ្លាប់ឈ្នះ៣សម័យកាល (២០២០,២០២១,២០២២)
៣) ភ្នំពេញក្រោន ធ្លាប់ឈ្នះ២សម័យកាល (២០០៨,២០០៩)
៤) ណាហ្គាវើល ធ្លាប់ឈ្នះ១សម័យកាល (២០១៣)
៥) បឹងកេត ធ្លាប់ឈ្នះ១សម័យកាល (២០១៩) ចំណែកក្រុមខេមរាកីឡា ដែលធ្លាប់ឈ្នះជើងឯកកាលពីរដូវកាលទី១ ក្នុងឆ្នាំ២០០៧ កន្លងទៅបានរំសាយក្លិបបាត់ទៅហើយ៕