Bayern Munich បញ្ចប់ក្ដីស្រមៃ Arsenal ឡើងទៅកាន់វគ្គពាក់កណ្ដាលផ្ដាច់ព្រ័ត្រ នៃពានរង្វាន់លំដាប់ទី១ ប្រចាំទ្វីបអឺរ៉ុប UEFA Champions League រដូវកាល ២០២៣-២៤ ក្រោយបញ្ចប់ការប្រកួតសរុបទាំង២ ជើង ក្នុងលទ្ធផល ៣ទល់និង២ កាលពីយប់ម៉ោង ២យប់រំលងអធ្រាតឈានចូលថ្ងៃទី១៨ ខែមេសា ឆ្នាំ២០២៤ (ម៉ោងនៅកម្ពុជា)។
រំលឹកថា អស់រយៈពេល១៥ឆ្នាំហើយ ក្រុមកាំភ្លើងធំ ក្រុមតំណាងឲ្យអង់គ្លេសក្នុងពានរង្វាន់លំដាប់ទី១ នៅអឺរ៉ុប នៅតែមិនអាចឡើងទៅវគ្គពាក់កណ្ដាលផ្ដាច់ព្រ័ត្រ UEFA Champions League បាន។
ខណ:ដែល ១៥ឆ្នាំមុន គឺកាលពី២០០៩ ជាឆ្នាំចុងក្រោយដែលក្រុម Arsenal ឡើងដល់វគ្គពាក់កណ្ដាលផ្ដាច់ព្រ័ត្រក្នុងពានរង្វាន់នេះ នៅវគ្គ៨ក្រុមចុងក្រោយ Arsenalបានយកឈ្នះក្រុម Villarreal ក្នុងលទ្ធផល ៤-១ សរុបទាំង២ជើង ប៉ុន្តែនៅវគ្គពាក់កណ្ដាលផ្ដាច់ព្រ័ត្រ Arsenal បានបរាជ័យក្រោមថ្វីជើងក្រុមរួមលីគ Manchester United ក្នុងលទ្ធផល ៤-១ សរុបទាំង២ជើង។
ខាងក្រោមនេះគឺជាលទ្ធផលប្រកួតវគ្គ ៨ក្រុមចុងក្រោយ សរុបទាំង ២ជើង៖
- Atlético Madrid ៤-៥ Borussia Dortmund (សរុបទាំង២ជើង)
- Paris Saint-Germain ៦-៤ Barcelona (សរុបទាំង២ជើង)
- Arsenal ២-៣ Bayern Munich (សរុបទាំង២ជើង)
- Manchester City ៤-៤ Real Madrid (សរុបទាំង២ជើង Real ឈ្នះបាល់ប៉េណាំងទី៤-៣)
ដូចនេះ ក្រុម Real Madrid នឹងត្រូវឡើងទៅជូប Bayern Munich នៅវគ្គពាក់កណ្ដាលផ្ដាច់ព្រ័ត្រ ជើងទី១ នៅថ្ងៃទី១ ខែឧសភា ជើងទី២ ថ្ងៃទី៩ ឧសភាព ខាងមុខ ខណ: Borussia Dortmund ត្រូវប៉ះ Paris Saint-Germain ដែលនឹងត្រូវធ្វើឡើងនៅថ្ងៃទី២ ខែឧសភា ជើងទី២ ថ្ងៃទី៨ ខែឧសភា។
គួរដឹងថា ពានរង្វាន់ UEFA Champion League បង្កើតឡើងដំបូងនៅឆ្នាំ ១៩៥៥ ពោលគឺមាន អាយុ កាល ៦៨ឆ្នាំ ដោយ Real Madrid ឈ្នះពាននេះច្រើនជាងគេសរុប ១៤ដង ខណ: AC Milan ធ្លាប់ ឈ្នះបាន ៧ដង រីឯ Liverpool និង Bayern Munich ឈ្នះបាន៦លើក៕