សហព័ន្ធកីឡាបាល់ទះកម្ពុជា នឹងរៀបចំកម្មវិធីសន្និសិទសារព័ត៌មាន និងចាប់ពូល ស្តីពីការប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup 4×4 2024 ដែលនឹងត្រូវធ្វើឡើងនៅព្រឹកថ្ងៃទី២០ ខែមេសានេះ នៅរោងចក្រស្រាបៀរកម្ពុជា ចាប់ពីវេលាម៉ោង ៧:០០នាទីព្រឹកតទៅ។
ព្រឹត្តិការណ៍ប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup 2024 នឹងចាប់ផ្ដើមនៅរាជធានីភ្នំពេញ នៅដើមសប្ដាហ៍ក្រោយនេះ បន្ទាប់ពីរកឃើញក្រុមខ្លាំងទី១០ នៅ ៥ភូមិភាគរួចមក និងមានក្រុមខ្លាំង ៥កំពុងឈរចាំនៅភ្នំពេញ។
សម្រាប់ការប្រកួត គឺមានរយ:ពេលពេញមួយសប្ដាហ៍ ចាប់ពីថ្ងៃចន្ទ ទី២២ មេសា រហូរដល់ថ្ងៃ អាទិត្យ ទី២៨ មេសា ដែលវគ្គផ្ដាច់ព្រ័ត្រ ដើម្បីរកឃើញម្ចាស់ជើងឯក នៅរដូវកាលទី១នេះ។ ការប្រកួតដែលមានក្រុមខ្លាំងៗ មកពីតាមបណ្ដាលខេត្តជាច្រើននេះ ក៏មានការផ្សាយជូនទស្សនា តាមរយ:ផេកហ្វេសបុក សារព័ត៌មានត្រយង ត្រយង TV និង Troryorng Sports ផងដែរ។
ក្រុមទាំង១០ ដែលឡើងទៅជុំផ្តាច់ព្រ័ត្រនៃព្រឹត្តិការណ៍ការប្រកួតពានរង្វាន់បាល់ទះ 4×4 ទូទាំងប្រទេស Wurkz Special Volleyball Cup 2024 នៅរាជធានីជធាភ្នំពេញមាន៖
-ភូមិភាគទី១ ប្រចាំមណ្ឌលបាត់ដំបង ជ័យលាភីលេខ១៖ ក្លិបកីឡាបាល់ទះបាត់ដំបង លេខ២៖ សមាគមកីឡាបាល់ទះក្រសួងមហាផ្ទៃ (B)
-ភូមិភាគទី២ ប្រចាំមណ្ឌលសៀមរាប ជ័យលាភីលេខ១៖ កងពលធំអន្តរាគម៍លេខ៣ (B) លេខ២៖ ស្នងការដ្ឋាន ន.ប ឧត្ដមានជ័យ
-ភូមិភាគទី៣ ប្រចាំមណ្ឌលកមពង់ចាម ជ័យលាភីលេខ១៖ ស្នងការដ្ឋាន ន.ប ខេត្តត្បូងឃ្មុំ លេខ២៖ ស្នងការដ្ឋាន ន.ប ខេត្តកំពង់ចាម
-ភូមិភាគទី៤ ប្រចាំមណ្ឌលព្រៃវែង ជ័យលាភីលេខ១៖ ស្នងការដ្ឋាន ន.ប រាជធានីភ្នំពេញ B លេខ២៖ ស្នងការដ្ឋាន ន.ប ខេត្តកណ្ដាល
-ភូមិភាគទី៥ ប្រចាំមណ្ឌលព្រះសីហនុ ជ័យលេភីលេខ១ បានលើស្នងការដ្ឋាន ន.ប ខេត្តព្រះសីហនុ លេខ២គឺ ក្លឹបបាល់ទះបុរីឈ្នះឈ្នះ។
ខណ:ក្រុមខ្លាំងចំនួន ៥នៅតេជោលីគ កំពុងឈរចាំមាន ដូចជា៖ ក្លិបកីឡាបាល់ទះកងពលធំអន្តរាគមន៍លេខ៣ A, សមាគមកីឡាបាល់ទះវិសាខា A, ក្លិបកីឡាបាល់ទះស្នងការដ្ឋាន នគរបាលខេត្តពោធិ៍សាត់, ស្នងការដ្ឋាននគរបាលរាជធានីភ្នំពេញ A និង សមាគមកីឡាបាល់ទះក្រសួងមហាផ្ទៃ A៕
