ព្រះខ័នរាជស្វាយរៀង នឹងត្រូវធ្វើដំណើរមកកាន់រាជធានីភ្នំពេញ ដើម្បីជួបជាមួយក្រុមបឹងកេត ពហុកីឡដ្ឋានជាតិ ក្នុងជំនួបចុងក្រោយ វគ្គជម្រុះជុំទី៣ សប្ដាហ៍ទី២៧ នៃពានលីគកំពូលកម្ពុជា Cambodia Premier League រដូវកាលឆ្នាំ២០២៣-២៤ នៅល្ងាចនេះ។
អាចថានេះគឺជាប្រកួតកាត់សេចក្ដីរបស់ ព្រះខ័នរាជស្វាយរៀង ដែលកំពុងកាន់ ៦៨ពិន្ទុក្នុងដៃ កំពុងធ្វើដំណើរទៅកាន់កាប់ពានជាលើកទី៣ សម្រាប់រដូវកាលនេះ ស្របពេលគូប្រជែងតែមួយគត់ ភ្នំពេញក្រោន ឈរលេខ២ ដែលកំពុងកាន់ ៦១ពិន្ទុ ត្រូវធ្វើដំណើរទៅខេត្តតាកែវ ដើម្បីជួប គិរីវង់សុខសែនជ័យ។
ដោយការប្រកួតនៅថ្ងៃនេះ គឺមានចំនួន ២គូនៅ ២ទីលានផ្សេងគ្នាគឺ បឹងកេត ប៉ះ ព្រះខ័នរាជស្វាយរៀង នៅពហុកីឡដ្ឋានជាតិ វេលាម៉ោង ៦:០០នាទីល្ងាច។ ខណ:មួយគូទៀតគឺ ភ្នំពេញក្រោន ត្រូវធ្វើដំណើរទៅកាន់កីឡដ្ឋាន គិរីវង់ ប៉ះ គិរីវង់ សុខសែនជ័យ វេលាម៉ោង ៤:០០នាទីល្ងាច។
គួរបញ្ជាក់ថា សម្រាប់រដូវកាលនេះ បើព្រះខ័នរាជស្វាយរៀង គ្រងជើងឯក គឺជាលើកទី៣ ហើយ ដោយចំនួន ២លើកកន្លងមកគឺនៅឆ្នាំ២០១៣ និង ២០១៩ ខណ:ភ្នំពេញក្រោន ឈ្នះចំនួន ៨លើក (2002, 2008, 2010, 2011, 2014, 2015, 2021, 2022) ណាហ្គាវើលចំនួន ៤លើក (2004, 2007, 2009, 2018) បឹងកេត ចំនួន ៤លើក (2012, 2016, 2017, 2020) ខេមរា កីឡា ចំនួន ២លើក (2005, 2006) និងអគ្គស្នងការនគរបាលជាតិ ចំនួន ១លើក ឆ្នាំ២០០០៕
