សិល្បៈជាតិ៖ យោងតាមការបង្ហោះទំព័រហ្វេសប៊ុកដំណើរខ្មែរ បានភស្ដុតាងសំខាន់ៗជាច្រើន ដែលដកស្រង់ចេញពីកាសែត និងទស្សនាវដ្ដីធំៗរបស់ថៃនាអំឡុងឆ្នាំ ១៩៧០-១៩៧៥ ដែលសុទ្ធសឹងជាការលើកសរសើរ និង ឱ្យតម្លៃដល់សិល្បករ សិល្បការិនី ភាពយន្តខ្មែរ។
តាមរយៈសំណេរមួយដែលបានបង្ហោះកាលពីថ្ងៃអាទិត្យទី២១ ខែមេសា ឆ្នាំ២០២៤ ដោយក្រុមដំណើរខ្មែរ បានរៀបរាប់យ៉ាងលម្អិតពីយុគសម័យមាសនៃសិល្បៈភាពយន្ត និងតូរ្យតន្ត្រីខ្មែរមុនឆ្នាំ១៩៧៥ ព្រមទាំងបង្ហាញឱ្យកូនខ្មែរគ្រប់រូបមានមោទនភាពចំពោះសិល្បៈភាពយន្តខ្មែរ ដែលត្រូវបានប្រទេសជិតខាងមួយនេះ លើកសរសើរដោយចំហរលើប្រព័ន្ធផ្សព្វផ្សាយធំៗដូចជា កាសែត និងទស្សនាវដ្ដី។
តារាភាពយន្តខ្មែរ៦ ដួងដែលប្រទេសថៃបានកោតសរសើរពីគុណសម្បត្តិនោះរួមមាន៖ លោកស្រី ឌី សាវ៉េត លោក ជាយុទ្ធថន លោកស្រី គង់ សំអឿន លោកស្រី វិជ្ជរ៉ា ដានី លោកស្រី សោម វណ្ណ ស៊ូដានី និង លោកស្រី សេង បុទុម៕
