ក្រុមជើងខ្លាំងអូស្រ្តាលី Central Coast Mariners នឹងបើកទ្វាកីឡដ្ឋាន Central Coastទទួលក្រុមខ្លាំងមកពី កៀហ្ស៊ីស៊ីស្ថាន នៅជើងទី២ ដែលជាការប្រកួតតំបន់អាស៊ីកណ្តាល ក្នុងវគ្គផ្ដាច់ព្រ័ត្រវគ្គ Play-off អន្តរតំបន់ នៃពានរង្វាន់ AFC Cup ឆ្នាំ២០២៣-២៤ នៅថ្ងៃទី២៤ មេសានេះ។
មុនឡើងមកកាលវគ្គនេះ Central Coast បានយកឈ្នះក្រុមបាល់ទាត់ភ្នំពេញក្រោន តំណាង កម្ពុជា ក្នុងលទ្ធផល ៤-០ នៅកីឡដ្ឋាន Industree Group កាលពីថ្ងៃទី១៣ ខែកុម្ភៈ ឆ្នាំ២០២៤ ក្នុងវគ្គពាក់កណ្ដាលផ្ដាច់ព្រ័ត្រ ឡើងទៅកាន់ផ្តាច់ព្រ័ត្រ តំបន់អាស៊ាន និងបាន Macarthur FC នៅវគ្គផ្តាច់ព្រ័ត្រ ASEAN Zone នៃពានរង្វាន់ AFC Cup។
Central Coast Mariners នឹងជួបក្រុម Abdysh-Ata Kant មកពីតំបន់អាស៊ីកណ្តាល ចំនួន ២ជើងដើម្បីរកអ្នកឈ្នះ ឡើងទៅកាន់វគ្គផ្ដាច់ព្រ័ត្រ នៃពានរង្វាន់ AFC Cup ឆ្នាំ២០២៣-២៤។ ខណ: ជើងទី១ កាលពីថ្ងៃទី១៧ មេសា Abdysh-Ata Kant ស្មើគ្នាជាមួយ Central Coast Mariners ក្នុងលទ្ធផល ១-១ នៅកីឡដ្ឋាន Dolen Omurzakov។
សម្រាប់ជើងទី២ Central Coast Mariners ប៉ះ Abdysh-Ata Kant វេលាម៉ោង ៨:០០នាទីយប់ នៅកីឡដ្ឋាន Central Coast នៅថ្ងៃទី២៤ មេសា ២០២៤នេះ។
គួរបញ្ជាក់ថា ពានរង្វាន់នេះបែងចែកជាតំបន់ចំនួន៥ មានអាស៊ីខាងលិច អាស៊ីខាងកើត អាស៊ីកណ្តាល អាស៊ីខាងត្បូង និងអាស៊ីអាគេ្នយ៍ ខណ:តំបន់អាស៊ាន ASEAN ZONE (ពូល F,G,H) ការប្រកួតទី១ គ្រោងនឹងធ្វើឡើងចន្លោះថ្ងៃទី១៨ រហូតដល់ថ្ងៃទី២១ ខែកញ្ញ ឆ្នាំ២០២៣៕
