កាន់តែតែកក្រើក កាន់តែអស្ចារ្យ សម្រាប់អ្នកចូលរួមទស្សនា ការប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup 4×4 2024 នៅវគ្គផ្ដាច់ព្រ័ត្រ និងមានឱកាសជួបជាមួយអាយរបស់លោកអ្នក ដោយមានការសម្ដែងពីក្រុម LA CIMA CARTELពិសេសទៀតនោះនិងមានឱកាស ឈ្នះរង្វាន់ម៉ូតូទៀត។
ថ្លែងក្នុងសន្និសិតសារព័ត៌មាន និងចាប់ពូលមុនការបរកួត លោក អាំង សិរីពិសិដ្ឋ អនុប្រធាន និង អគ្គលេខាធិការសហព័ន្ធកីឡាបាល់ទះកម្ពុជា បានថ្លៃងប្រាប់អ្នកសារព័ត៌មានថា៖ សម្រាប់អ្នកស្នេហាវិស័យកីឡាបាល់ទះនៅកម្ពុជា អាចធ្វើការចូលរួមទស្សនាផ្ទាល់នៅទីលាន ព្រោះថាលើកនេះការរៀបចំនៅវគ្គផ្ដាច់ព្រ័ត្រកាន់តែអស្ចារ្យ ដោយមានការសម្ដែង ដោយក្រុមតារាចម្រៀង LA CIMA CARTEL ពិសេសទៀតនេះអ្នកចូលរួមទស្សនាផ្ទាល់ នឹងមានឱកាសឈ្នះរង្វាន់ម៉ូតូ ១គ្រឿងទៀត (ដោយអ្នកចូលរួមទ្សនាអាចទទួលបានសន្លឹកឆ្នោងនៅទីតាំង និងធ្វើការចាប់ឆ្នោតរកអ្នកមានសំណាងនៅពេលប្រកួត)។
ព្រឹត្តិការណ៍ប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup 2024 បានចាប់ផ្ដើមប្រកួតជម្រុះក្នុងពូលនៅរាជធានីភ្នំពេញ ចាប់ពីថ្ងៃទី២២ មេសា ដល់ថ្ងៃទី២៥ ដើម្បីរកឃើញក្រុមខ្លាំងចំនួន ៨ ដែលជ្រើសចេញពីក្រុមខ្លាំលេខ១ និងលេខ២ ក្នុងពូល ដើម្បីប្រកួតជម្រុះយក ៤ក្រុម ឡើងទៅវគ្គពាកកណ្ដាលផ្ដាច់ព្រ័ត្រ ប្រកួតនៅថ្ងៃទី២៧ និងបន្តរកឃើញក្រុមដែលឈ្នះឡើងទៅកាន់វគ្គផ្ដាច់ដែលត្រូវធ្វើឡើងនៅថ្ងៃអាទិត្យ ទី២៨ ខែមេសា ឆ្នាំ២០២៤។
ដោយឡែកសម្រាប់ក្រុម បុរីឈ្នះ ឈ្នះ ត្រូវបានគណកម្មការរៀបចំការប្រកួត សម្រេចដក់សិទ្ធចូលរួមការប្រកួត ដោយសារមូលហេតុ មិនបានអនុវត្តតាមបទបញ្ជារនៃការប្រកួត ដូចនេះគណកម្មការ សម្រេចដល់សិទ្ធចូលរួមការប្រកួតទាំងអស់ដែលនៅសល់ និងធ្វើការពិន័យតាមបទបញ្ជានៃការប្រកួត។
រំលឹកថា ការប្រកួតវគ្គផ្ដាច់ព្រ័ត្រនៅរាជធានីភ្នំពេញ នេះដែរ គឺបន្ទាប់ពីរកឃើញក្រុមខ្លាំងទី១០ ដែលបានចំម្រាញចេញពី ៥២ក្រុម នៅតាមបណ្ដាល៥ភូមិភាគក្នុងប្រទេសកម្ពុជា រួមជាមួយក្រុមខ្លាំង ៥នៅតេជោលីគ។ ការប្រកួតដែលមានក្រុមខ្លាំងៗ មកពីតាមបណ្ដាលខេត្តជាច្រើននេះ ក៏មានការផ្សាយជូនទស្សនា តាមរយ:ផេកហ្វេសបុក សារព័ត៌មានត្រយង ត្រយង TV និង Troryorng Sports ផងដែរ៕
កម្មវិធីប្រកួតនៅថ្ងៃនេះ៖
