ក្លិបបាល់ទាត់ទាំង២៧ នៅក្នុងលីគកំពូលប្រទេសវៀតណាម បានយល់ព្រមជាមួយសហព័ន្ធកីឡាបាល់ទាត់វៀតណាម សម្រេចលុបចោលកម្មវិធីប្រកួតក្នុងពានរង្វាន់ក្នុងស្រុកនានាដូចជាពានរង្វាន់លីគកំពូល V.League1 ពានរង្វាន់លីគទី២ V.League2 និងពានរង្វាន់ជម្រើសជើងឯកជាតិ National Cup ក្រោយមានការឆ្លងរីករាលដាលនៃជំងឺកូវីដ-១៩ ក្នុងស្រុកខ្លាំង។
ពានរង្វាន់ V.League 1 មានសមាជិក១៤ក្រុម ហើយពានរង្វាន់ V.League 2 មានសមាជិក១៣ក្រុម ដោយកន្លងមក១ក្រុមបាតតារាងលីគ V.League 1 ត្រូវធ្លាក់ទៅលេង V.League2 ហើយក្រុមកំពូលតារាង V.League 2 មានឈ្មោះឡើងទៅលេង V.League 1នៅរដូវកាលបន្ទាប់។
អត្ថបទពាក់ព័ន្ធ៖កីឡាករវៀតណាម រ៉ៃប្រាក់បាន៣០០លានដុងជួយជាតិ ទិញវ៉ាក់សាំងបង្កាកូវីដ-១៩
បើតាមការបញ្ជាក់របស់សហព័ន្ធកីឡាបាល់ទាត់វៀតណាម បើទោះជាប្រកាសរំសាយការប្រកួតទាំង៣កម្រិតធំៗរបស់ជាតិក៏ពិតមែន តែភាគីពាក់ព័ន្ធកំពុងតែពិភាក្សាគ្នាបន្ថែមថានឹងមានការជ្រើសរើសក្រុមដែលឈ្នះជើងឯក ឬ ក្រុមដែលត្រូវកាត់ចេញឬក៏អត់ ព្រោះថាក្រុមជើងឯកពាន V.League 1 មានឈ្មោះឡើងទៅលេងពានរង្វាន់ AFC Champion League ហើយក្រុមលេខ២និងលេខ៣មានឈ្មោះលេងក្នុងពាន AFC Cup ឆ្នាំ២០២២ ផងដែរ៕