កីឡាករ Ryohei Yoshihama (សញ្ជាតិជប៉ុន) ពាក់អាវលេខ ៤១ របស់ បឹងកេត ជាប់ក្នុងកំណត់ត្រាកីឡាករដែលបញ្ជូនបាល់ (Assist) ឲ្យមិត្តរួមក្រុមស៊ុតបញ្ចូលទីបានច្រើនជាងគេរហូតដល់ ១៤គ្រាប់ គិតត្រឹមបញ្ចប់វគ្គជម្រុះក្នុងពូល នៅលីគកំពូលកម្ពុជា Cambodian Premier League រដូវកាល ២០២៣-២៤ ។
ក្នុងនោះមានកីឡាករ ៤នាក់ដែលបញ្ជូនបាល់ (Assist) ឲ្យមិត្តរួមក្រុមស៊ុតបញ្ចូលទីបានច្រើនរួមមាន៖
- កីឡាករ Ryohei Yoshihama សញ្ជាតិជប៉ុន របស់ បឹងកេត បញ្ជូនបាល់ឲ្យមិត្តរួមក្រុមស៊ុតបញ្ចូលទីបាន ១៤គ្រាប់
- កីឡាករ Thiha Zaw សញ្ជាតិមីយ៉ាន់ម៉ា របស់ព្រៃវែង បញ្ជូនបាល់ឲ្យមិត្តរួមក្រុមស៊ុតបញ្ចូលទីបាន ១១គ្រាប់
- កីឡាករ ម៉ាត់ នូរុណ របស់បឹងកេត បញ្ជូនបាល់ឲ្យមិត្តរួមក្រុមស៊ុតបញ្ចូលទីបាន ១០គ្រាប់
- កីឡាករ Nick Taylor របស់ព្រះខ័នរាជស្វាយរៀង បញ្ជូនបាល់ឲ្យមិត្តរួមក្រុមស៊ុតបញ្ចូលទីបាន ៩គ្រាប់
ការប្រកួតពានរង្វាន់លីគកំពូលកម្ពុជា Cambodian Premier League រដូវកាល ២០២៣-២៤ បានឈានដល់ការប្រកួត៤ក្រុមចុងក្រោយ Top4 ក្រោយបញ្ចប់ជុំទី៣ កាលពីថ្ងៃអាទិត្យ ទី២១ ខែមេសា។
ក្នុងនោះ រួមមាន៖
- ព្រះខ័នរាជស្វាយរៀង ២៧ប្រកួត ឈ្នះ២២ ស្មើ៣ និងចាញ់២ មាន៦៩ពិន្ទុ
- ភ្នំពេញក្រោន ២៧ប្រកួត ឈ្នះ២០ ស្មើ៤ និងចាញ់៣ មាន៦៤ពិន្ទុ
- វិសាខា ២៧ប្រកួត ឈ្នះ១៤ ស្មើ២ និងចាញ់១១ មាន៤៤ពិន្ទុ
- បឹងកេត ២៧ប្រកួត ឈ្នះ១១ ស្មើ៨ និងចាញ់៨ មាន៤១ពិន្ទុ។
យោងតាមបទបញ្ជានៃការប្រកួតក្រុមតំបន់ TOP4 គឺ ក្រុមលេខ១ ត្រូវ ប៉ះក្រុមលេខ៤ និង ក្រុមលេខ២ ត្រូវប៉ះលេខ៣ ហើយក្រុមណាដែលធ្លាប់បានធ្វើជាម្ចាស់ផ្ទះ២ដងមកគឺត្រូវប្ដូរទៅលេងក្រុមដែលធ្វើម្ចាស់ផ្ទះបានតែ១ដងវិញ។
កម្មវិធីប្រកួត វគ្គ Top 4 មានដូចខាងក្រោម៖
គួរបញ្ជាក់ឱ្យដឹងផងដែរថាពានរង្វាន់លីគកំពូលកម្ពុជា Cambodian Premire League បានចាប់ផ្តើមការ ប្រកួតតាំងពីថ្ងៃទី៥ ខែសីហា ឆ្នាំ២០២៣ កន្លងទៅ ប្រើរយៈពេលចំនួន ៣០សប្តាហ៍ ខណៈជើងឯកឆ្នាំចាស់គឺបានលើក្រុមបាល់ទាត់ភ្នំពេញក្រោន៕
