សិល្បៈ៖ ក្នុងចលនាបំផុសស្មារតីជាតិនិយមឱ្យយើងគ្រប់គ្នាចេះស្រលាញ់នូវអ្វីដែលជារបស់ខ្មែរពិតៗ និងដើម្បីចូលរួមថែរក្សានិងអភិរក្សកេរដំណែលសិល្បៈវប្បធម៌ ពិសសេសអប្សរា ដែលកំពុងត្រូវបានផ្ទះលេខ២ ចិញ្ចឹមចិត្តច្នៃកាឡៃគ្រប់សព្វបែបយ៉ាង ធ្វើយ៉ាងណាប្រកាសប្រាប់ពិភពលោកថា គ្រប់ជាតិសាសន៍ដែលទទួលបានឥទ្ធិពលឥណ្ឌា សុទ្ធតែមានអប្សរា ប៉ុន្តែកម្ពុជាខ្លួនឯងក៏បានបង្ហាញភស្តុតាងផ្សេងៗដែរថា ទម្រង់អប្សរារបស់ខ្មែរ ដែលបន្សល់ទុកលើជញ្ជាំងប្រាសាទ មានលក្ខណៈលេចធ្លោរនិងមានអត្តសញ្ញាណមួយច្បាស់លាស់មិនច្រឡំនឹងគេនោះឡើយ។
ដោយហេតុមើលឃើញពីមហិច្ឆិតា បំពានចង់បានយ៉ាងងងើលរបស់ផ្ទះលេខ២ ដូច្នេះ ស្រីនា បុគ្គលដ៏មានឥទ្ធិពលលើបណ្ដាញទំនាក់ទំនងសង្គម ដែលជាអ្នកផលិតមាតិកាដ៏ល្បីមួយរូប បានចេញមកបំផុសនូវចលនាមួយដែលមានឈ្មោះថា Apsara Make Up Trend ប៉ុន្តែកិច្ចការដ៏ធំមួយនេះ ចាំបាច់ណាស់ត្រូវការការចូលរួម ពីអ្នកជំនាញ គ្រប់ភាគីពាក់ព័ន្ធដើម្បីអាចសម្រេចទៅដល់គោលដៅបានដោយជោគជ័យ។
នៅថ្ងៃទី២៤ ខែមេសា ឆ្នាំ២០២៤ ទំព័រហ្វេសប៊ុកផ្លូវការរបស់ ស្រីនា បានបញ្ចេញសារខ្លីមួយបង្ហាញគោលបំណងនិងគោលដៅរបស់ខ្លួនទាក់ទងនឹងការផាត់មុខអប្សា ថាដូច្នេះ៖
«Apsara Make Up Trend ត្រូវការកម្លាំង ភាពក្លាហាន ពេលវេលានិងចំណេះដឹងក្នុងការផលិតឡើង ដោយសារតែក្តីស្រលាញ់ចំពោះវប្បធម៌ពីដូនតាយើង ទោះពិបាកធ្វើក៏មិនមានន័យថាយើងធ្វើមិនបានទេ។ខ្ញុំជឿជាក់ថា creator គ្រប់គ្នាមិនមែនមិនចង់ធ្វើទេ ម្នាក់ៗនឹងធ្វើ ដោយមិនស្ទាក់ស្ទើរឱ្យតែមានធនធាននិងកម្លាំងគ្រប់គ្រាន់។ ការគាំទ្រ និងការយោគយល់ពីម្នាក់ៗអាចធ្វើឱ្យវប្បធម៌យើងពង្រាយកាន់តែធំ។ទុកពេលឱ្យខ្ញុំបន្តិចណា។»
ការបង្ហាញនូវគោលជំហចូលរួមយ៉ាងសសស្រាក់សស្រាំ ផ្សព្វផ្សាយ ពីសិល្បៈវប្បធម៌ ជាពិសេសអប្សរាខ្មែរ ពីសំណាក់បុគ្គលដ៏មានឥទ្ធពលក្នុងស្រទាប់យុវវ័យដូចជាសកម្មភាពរបស់ស្រីនានេះ នឹងកាន់តែជួយជំរុញស្មារតីជាតិនិយមក្នុងចង្កោមយុវវ័យខ្មែរ ដែលជាអ្នកស្នងមរតកដូនតា ឱ្យកាន់តែយល់និងស្គាល់ពីគុណតម្លៃ នៃនារីអប្សរារបស់ខ្មែរ៕
