ចូលចិត្តផ្សងព្រេងជាមួយនឹងសត្វឆ្កែចំនួនពីរក្បាល Influencer ដ៏ល្បីឈ្មោះរបស់ចិន ដែលត្រូវបានគេស្គាល់ឈ្មោះហៅថា «Henan Meimei» បានធ្វើដំណើរតែម្នាក់ឯងទៅកាន់តំបន់ទីបេ ដោយចាប់ផ្ដើមតាំងពីថ្ងៃទី១ ខែឧសភា ឆ្នាំ២០២១ ប៉ុន្តែគួរឱ្យស្ដាយដែលនាងមិនអាចត្រលប់មកផ្ទះវិញបានជារៀងរហូត។
នៅក្នុងវីដេអូផ្សាយផ្ទាល់មួយ (Livestream) នៅលើ Platform Douyin នាព្រឹកថ្ងៃទី២១ ខែសីហាកន្លងទៅថ្មីនេះ Meimei បានថតរូបភាពដ៏ស្រស់ស្អាតនៅតំបន់ទីបេ ចែករំលែកឱ្យអ្នក Follower របស់ខ្លួនបានមើល។
នៅម៉ោងប្រមាណជា ៧និង៤៤នាទីព្រឹក ខណៈដែល Meimei កំពុងតែទាញឡានពណ៌ផ្កាឈូកតូចរបស់ខ្លួនឡើងទៅខាងលើ ពេលនោះស្រាប់តែភ្នែករបស់នាងបើកធំហាក់ដូចជាតក់ស្លុតខ្លាំង ហើយស្រែកជាភាសាចិនថា «អូទេ ខ្ញុំកំពុងជួបគ្រោះថ្នាក់» បន្ទាប់មកកាំមេរ៉ារបស់នាងបានបែរចេញ។
ក្រោយមកទៀតសំឡេងស្រែកដោយឈឺចាប់ ខណៈដែលកាំមេរ៉ាញ័រយ៉ាងខ្លាំង បន្ទាប់ពីវីដេអូ Live ដោយស្ងៀមស្ងាត់ ការផ្សាយផ្ទាល់នោះត្រូវបានកាត់ផ្ដាច់។
ដំបូងឡើយមានការសង្ស័យថានារីវ័យក្មេងរូបនេះស្លា.ប់ដោយសារតែឆក់ខ្សែភ្លើង ប៉ុន្តែប៉ូលិសបានបញ្ជាក់កាលពីថ្ងៃទី២៤ ខែសីហា ឆ្នាំ២០២១ ថា Meimei ស្លា.ប់ដោយសាររថយន្តកិនពីលើ។
យោងតាមសារព័ត៌មាន China Daily បានរាយការណ៍ថា សពរបស់នាងត្រូវបានប៉ូលិសរកឃើញជាប់នៅខាងក្រោមឡានប្រើថាមពលព្រះអាទិត្យរបស់នាង។ វាសនាឆ្កែពីរក្បាលរបស់នាងនៅមិនទាន់ដឹងថានឹងទៅជាយ៉ាងណានោះទេ។ ចំណែកអ្នកគាំទ្រនៅពេលបានដឹងដំណឹងសោកសៅនេះបានចូលមក Comment រំលែកទុក្ខនាងគ្រប់ៗគ្នា។
Meimei មានចំនួនអ្នកតាមច្រើនជាង ៩៣០០០ នៅលើ Platform Douyin ដោយនាងតូចម្នាក់នេះតែងតែផុសពីដំណើរកម្សាន្តជាប្រចាំជាមួយនឹងសម្រង់សម្ដីខ្លីៗមានអត្ថន័យលើកទឹកចិត្តចំពោះអ្នកដែល Follow ខ្លួន៕
