ប្រសិនបើអ្នកមិនទាន់ជាហ្វេនទស្សនារឿងភាគកូរ៉េ អ្នកអាចចាប់ផ្ដើមទស្សនាកុនមនោសញ្ចេតនាចំនួន៥ដែលជារឿងដ៏ល្អនិងមានការពេញនិយមខ្លាំង ។
ភាពយន្តកូរ៉េ ត្រូវបានអ្នកទស្សនាពេញនិយមនិងវាយតម្លៃខ្ពស់ថាជាប្រភេទរឿងមានគុណភាព និងគុណតម្លៃអប់រំ ។ ថ្ងៃនេះត្រយងសូមលើកយកភាពយន្តខ្នាតធំបែបមនោសញ្ចេតនាចំនួន ៥រឿងមកបង្ហាញជូន។
- Kim Ji-Young, Born 1982
ភាពយន្តផលិតចេញពីសៀវភៅប្រលោមលោកនេះ បានបញ្ចាំងកាលពីថ្ងៃទី២៣ តុលា ឆ្នាំ២០១៩ សម្ដែងដោយ Gong Yoo និង Jung Yumi បរិយាយពីឧបសគ្គនានាដែលស្ត្រីក្នុងគ្រួសារបិតានិយមត្រូវប្រឈមនៅក្នុងប្រទេសកូរ៉េ មិនថានៅក្នុងការងារឬនៅក្នុងគ្រួសារដែលមានទំនោរប្រកាន់ប្រពៃណីបែបចាស់គំរិល ខណៈ សាមីខ្លួនព្យាយាមបញ្ជ្រាបខ្លួនចូលក្នុងសង្គមដ៏ទាន់សម័យ។
- Tune in For Love or Yoo Yeol’s Music Album
ភាពយន្តមនោសញ្ចេតនាស្នេហាកម្សត់ ដែលសម្ដែងដោយ Kim Go Eun និង Jung Hae In នេះ សាច់រឿងឆ្លុះបញ្ចាំងពីស្នេហាដ៏សែនឈឺចាប់ដែលមនុស្សពីរនាក់ស្រលាញ់គ្នាប៉ុន្តែខុសកាលៈទេសៈ ធ្វើឱ្យជួបនឹងរៀងរ៉ាវផ្សេងៗកើតឡើង ជាពិសេសឧបសគ្គស្នេហានានារបស់តួអង្គទាំងពីរ ដែលត្រូវឆ្លងកាត់ ធ្វើឱ្យអ្នកទស្សនាបង្ហូរទឹកភ្នែកតាមតួអង្គដូចគ្នា។
- Be With You
ភាពយន្តខ្នាតធំបែបអភិនិហារដ៏ល្អឯកនេះ គឺជារឿងដែលផលិតយកលំនាំតាមភាពយន្តខ្នាតធំជប៉ុនដែលមានចំណងជើងដូចគ្នា និង បានដាក់បញ្ចាំងកាលពីឆ្នាំ២០០៤។ រឿងនេះសម្ដែងដោយ So Ji Sub និង Son Ye Jin ដោយរឿងនេះ និយាយពីស្ត្រីម្នាក់ដែលបានស្លាប់បាត់បង់ជីវិតស្រាប់តែត្រលប់មកជួបជុំស្វាមីនិងកូនប្រុសវិញ នៅក្នុងថ្ងៃដែលមានភ្លៀងធ្លាក់ខ្លាំងមួយ។ រឿងនេះបង្រៀនមនុស្សឱ្យស្រលាញ់គ្រួសារ ពេលមានឱកាសបានរស់នៅជាមួយគ្នា ចៀសវាងហួសពេលទើបស្ដាយក្រោយ។ ដូច្នេះបើអ្នកចូលចិត្តរឿងបែបគ្រួសារ មានបង្កប់ដោយមនោសញ្ចេតនា ត្រូវតែទស្សនារឿងនេះ។
- One Day
រឿងនេះពិពណ៌នាពីតួអង្គអ្នកតាមដានធានារ៉ាប់រ៉ង Lee Kang Soo (សម្ដែងដោយ Kim Nam Gil) ដែលមានសមត្ថភាពពិសេសអាចមើលឃើញនិងអាចទាក់ទងជាមួយ នឹងព្រលឹងដែលជាអតិថិជនរបស់លោក។ ថ្ងៃមួយ Lee Kang Soo ដែលកំពុងស្ថិតក្នុងអាការៈ ខូម៉ា ថ្ងៃមួយព្រលឹងរបស់នាងបានជួបនឹង Lee Kang Soo ព្រមទាំងបង្រៀនឱ្យគេដឹងពីអត្ថន័យជីវិត ចេះដោះលែង ហើយរស់នៅដោយរីករាយប្រៀបដូចជាថ្ងៃស្អែកគឺជាថ្ងៃចុងក្រោយនៃជីវិត។
5. A Man and a Woman
ភាពយន្តដែល Gong Yoo សម្ដែងច្រើនតែនិយាយរឿងគ្រួសារ ដូចជាមនុស្សចម្លែកពីរនាក់បានជួបគ្នា ហើយបានស្រលាញ់គ្នា ប៉ុន្តែក្នុងពេលវេលាមួយមិនស័ក្ដិសម។ រឿងនេះនិយាយពីមនុស្សពីរនាក់បានស្គាល់គ្នាក្រោយយកកូនៗទៅចូលរួមក្នុងជំរុំ ក្រោយមកក៏បែកគ្នា ហើយបានជួបគ្នាម្ដង រួចហើយក៏បែកគ្នាទៀត។ ភាពយន្តដែលមើលសាមញ្ញ ហាក់មិនមានអ្វីនេះបានក្លាយជារឿងមនោសញ្ចេតនាដ៏ឯកតាមរយៈថ្វីដៃសម្ដែងរបស់តួអង្គឆ្នើម Gong Yoo និង Jeon Do Yeon ។
ទស្សនាវីដេអូព័ត៌មានខាងក្រោមនេះ៖
