ក្រុមបាល់ទាត់ជម្រើសជាតិវៀតណាម បានប្រកួតអន្តរជាតិក្នុងពានរង្វាន់ Trofeo International Futsal Tournament ចាញ់ក្រុមជប៉ុន និងអេស្ប៉ាញ នៅប្រទេសអេស្ប៉ាញ មុនចាកចេញទៅប្រកួត FIFA Futsal World Cup 2021 នៅប្រទេសលីទុយអានី។
កម្មវិធីប្រកួតរបស់ក្រុមវៀតណាម ក្នុងពាន Trofeo International Futsal Tournament មាន៖
-២៨ សីហា ២០២១ វៀតណាម ០-១ ជប៉ុន
-២៩ សីហា ២០២១ វៀតណាម ០-៤ អេស្ប៉ាញ
-៣១ សីហា ២០២១ វៀតណាម ប៉ះ ហ្គាតេម៉ាឡា
ក្រោយចប់ការប្រកួតក្រុមវៀតណាម ត្រូវប្រកួតមិត្តភាពអន្តរជាតិមួយទៀតជាមួយក្រុមហ្វូតសាល Córdoba Patrimonio de la Humanidad របស់អេស្ប៉ាញ។
សូមបញ្ជាក់ថាវៀតណាម ស្ថិតក្នុងក្រុមបាល់ទាត់ហ្វូតសាលជម្រើសជាតិ៥ប្រទេស តំណាងឱ្យទ្វីបអាស៊ី ទៅចូលរួមប្រកួតក្នុងពានរង្វាន់ហ្វូតសាលជើងឯកពិភពលោក 2021 FIFA Futsal World Cup នៅប្រទេសលីទុយអានី ក្នុងទ្វីបអឺរ៉ុប ចាប់ពីថ្ងៃទី១២ ខែកញ្ញា ដល់៣ ខែតុលា ឆ្នាំ២០២១ ខាងមុខ ដោយក្នុងនោះមាន ថៃ ជប៉ុន អ៊ីរ៉ង់ អ៊ូបេគីស្ថាន និងវៀតណាម៕
