យោងតាមសេចក្ដីប្រកាសរបស់ ក្រសួងកិច្ចការងារនារី នៅលើបណ្ដាញសង្គម តាមរយៈផេករបស់ក្រសួងកាលពីថ្ងៃទី ២៩ ខែសីហា ឆ្នាំ២០២១ ម្សិលមិញនេះ បានឱ្យដឹងថា កញ្ញា រ៉េត សារីតា គឺជាទូតសុឆន្ទៈរបស់ក្រសួង។
កញ្ញា រ៉េត សារីតា ស្រីស្អាតរាងតូចច្រឡឹងសំបុរស្រអែមស្រស់ម្ចាស់តំណែងបវរកញ្ញាចក្រវាឡកម្ពុជាប្រចាំឆ្នាំ២០២០ ត្រូវបានក្រសួងកិច្ចការនារីតែងតាំងជាទូតសុឆន្ទៈ។
នារីរូបស្អាតញញឹមស្រស់ ពោរពេញទៅដោយសមត្ថភាព ដែលសព្វថ្ងៃនេះជាតារាសម្ដែង តារាម៉ូដែល ពិធីការិនី បានថ្លែងនិងប្ដេជ្ញាចិត្តក្នុងនាមខ្លួនជាទូតសុឆន្ទៈរបស់ក្រសួងកិច្ចការនារីថា ៖«នាងខ្ញុំនឹងបំពេញតួនាទីនេះអោយបានល្អបំផុតដើម្បីតំណាងភាពអង់អាចរបស់ស្រ្តីនិងជាគំរូសម្រាប់ស្រ្តី និងក្មេងស្រីកម្ពុជាក្នុងការចូលរួមលើកកម្ពស់សីលធម៌សង្គម និងសុខុមាលភាព ព្រមទាំងកាត់បន្ថយភាពងាយរងគ្រោះរបស់អ្នកទាំងនោះ»។
កញ្ញា រ៉េត សារីតា កើតនៅថ្ងៃ ទី២២ ខែធ្នូ ឆ្នាំ១៩៩៤ បច្ចុប្បន្នមានវ័យ ២៦ ឆ្នាំ មានកម្ពស់១.៦៥ សង់ទីម៉ែត្រ គឺជាបវរកញ្ញាចក្រវាឡឆ្នាំ២០២០ ដែលតំណាងប្រទេសកម្ពុជានៅក្នុងការប្រកួតបវកញ្ញាចក្រវាឡពិភពលោកលើកទី៦៩ នៅសហរដ្ឋអាមេរិក។
ទស្សនាវីដេអូព័ត៌មានខាងក្រោមនេះ៖