តារាចម្រៀងល្បី Seven បានបង្ហាញពីភាពផ្អែមល្ហែមទៅកាន់គូស្នេហ៍តារាសម្ដែងស្រី Lee Da Hae មិត្តស្រីដែលបានសេពគប់គ្នារយៈពេល៧ឆ្នាំ នៅក្នុងកម្មវិធីមួយរបស់ទូរទស្សន៍ MBC។
នៅក្នុងកម្មវិធី «Point of Omniscient Interference» តារាចម្រៀងរូបសង្ហាលោក Seven បានបង្ហាញវត្តមានដោយបង្ហាញពីការងាររបស់លោក ប៉ុន្តែក្នុងពេលថតនោះលោក Seven ក៏បានធ្វើការ Call ទៅគូស្នេហ៍សំណព្វចិត្តដែលបានសេពគប់គ្នារយៈពេល ៧ឆ្នាំគឺកញ្ញា Lee Da Hae បានធ្វើឱ្យអ្នកគាំទ្រមានការភ្ញាក់ផ្អើលយ៉ាងខ្លាំង ព្រោះនេះគឺជាលើកទីមួយដែលគូស្នេហ៍បានបង្ហាញពីភាពផ្អែមល្ហែមនៅលើកញ្ចក់ទូរទស្សន៍រយៈពេលពីរបីឆ្នាំកន្លងមកនេះ។
ពាក្យសន្ទនាដែលគូស្នេហ៍ទាំងពីរបានសន្ទនាគ្នាមានដូចជាការប្រើប្រាស់ពាក្យ «Honey» និងសំនួរបែបគួរឱ្យស្រលាញ់ថា «កំពុងតែធ្វើអីនឹង?» ពាក្យសន្ទនារវាងអ្នកទាំងពីរបានធ្វើឱ្យសមាជិកក្នុងកម្មវិធីរំភើបរីករាយយ៉ាងខ្លាំង។ នៅក្នុងនោះ Lee Da Hae ក៏លួចបង្ហើបពីចំណុចអាថ៌កំបាំងរបស់ Seven ដែលធ្វើឱ្យអ្នកទស្សនាចាប់អារម្មណ៍និងចង់ដឹងជាខ្លាំង៕