ក្រុមបាល់ទាត់ម្ចាស់ផ្ទះរុស្ស៊ី បានក្លាយជាម្ចាស់ជើងឯកនៃពានរង្វាន់បាល់ទាត់ឆ្នេរខ្សាច់ពិភពលោក 2021 FIFA Beach Soccer World Cup នៅទីក្រុងម៉ូស្គូ ក្រោយយកឈ្នះលើក្រុមជប៉ុន នៅវគ្គផ្ដាច់ព្រ័ត្រ ខណៈក្រុមស្វីស ជាប់ចំណាត់ថ្នាក់លេខ៣។
លទ្ធផលប្រកួតចុងក្រោយនៅអាទិត្យ ២៩ សីហា ២០២១៖
កម្មវិធីប្រកួតវគ្គផ្ដាច់ព្រ័ត្រ៖ រុស្ស៊ី ៥-២ ជប៉ុន
កម្មវិធីប្រកួតវគ្គដណ្តើមចំណាត់ថ្នាក់លេខ៣៖ស្វីស ៩-៧ សេណេហ្គាល់
ពានរង្វាន់ 2021 FIFA Beach Soccer World Cup មានក្រុមចូលរួមចំនួន១៦ក្រុមមកពី៦ទ្វីបផ្សេងគ្នា ដោយបែងចែកជា៤ពូលប្រកួតពីថ្ងៃទី១៩ ដល់ថ្ងៃទី២៩ ខែសីហា ឆ្នាំ២០២១ នៅលើទីលាន Luzhniki Beach Soccer Stadium។ ជាលទ្ធផល៖
ជើងឯក៖រុស្ស៊ី
ជើងឯករង៖ជប៉ុន
លេខ៣៖ស្វីស
លេខ៤៖សេណេហ្គាល់
ម្ចាស់ស្បែកជើងមាស៖Glenn Hodel (ស្វីស) រកបាន១២គ្រាប់
ពានរង្វាន់បាល់ទាត់លើឆ្នេរខ្សាច់នេះរៀបចំឡើងដំបូងពីឆ្នាំ១៩៩៥ មកម៉្លេះ ដោយរាល់១ឆ្នាំម្តង ដោយប្រើឈ្មោះថា Beach Soccer World Championships ប៉ុន្តែនៅឆ្នាំ២០០៥ បានប្តូរឈ្មោះទៅជា FIFA Beach Soccer World Cup។ ក្រុមប្រេស៊ីល ឈ្នះជើងឯកបានច្រើនជាងគេគឺរហូតដល់១៤លើក៕