កាលពីល្ងាចថ្ងៃទី២៣ ខែសីហា ឆ្នាំ២០២១ ម្សិលមិញនេះ តារាសម្ដែងរូបសង្ហាលោក សេង មង្គល បានបង្ហោះរូបភាពប៉ុន្មានសន្លឹក គឺជារូបភាពចាស់ៗ កាត់តជាមួយនឹងរូបភាពបច្ចុប្បន្នកាលរបស់លោក ដែលមើលទៅអាចនិយាយបានថាពិតជាខុសគ្នាដាច់ស្រឡះតែម្ដង។
រូបភាពដែលលោកបង្ហោះមានចំនួន ៥សន្លឹកនោះគឺជារូបដែលបានដកស្រង់ចេញពីរឿងខ្មែរមួយដែលលោកធ្លាប់បានសម្ដែងក្នុងអតីតកាល ដោយកាលនោះលោកមានរូបរាងស្គម និង មិនមានសាច់ដុំមាំសង្ហាដូចជាបច្ចុប្បន្ននេះនោះទេ។
រូបភាពនោះគឺជារូបភាពដកស្រង់ចេញពីរឿង «បេះដូងខ្ញុំសម្រាប់អ្នកណា» ដែលតារាប្រុសរូបនេះសម្ដែងជាមួយនឹងកញ្ញា វ៉ាន់ សម្ផស្ស Freshie Girl ចំណាត់ថ្នាក់លេខ១ ឆ្នាំ២០០៨ ដោយរឿងនេះបានបញ្ចាំងនៅលើកញ្ចក់ទូរទស្សន៍បាយ័នកាលពីជាង១០ឆ្នាំមុន។
ចង់ដឹងថារូបរាងរបស់ប្រុសស្អាតសេងមង្គល ប្រែប្រួលដល់កម្រិតណាសូមទស្សនារូបភាពខាងក្រោម៖
