កីឡាការិនី Siti Rosnani Azma បានក្លាយជាជនជាតិសិង្ហបុរី ដំបូងគេដែលមានឈ្មោះទៅប្រកបអាជីពនៅពានរង្វាន់បាល់ទាត់លីគនារីរបស់ជប៉ុន Women Empowerment Leagueហើយនាងជាកីឡាការិនីអាស៊ានទី៣ ហើយដែលចេញទៅកាន់ទឹកដីអាស៊ីបូព៌ាមួយនេះ។
បើតាមការបញ្ជាក់របស់សហព័ន្ធកីឡាបាល់ទាត់សិង្ហបុរី នៅដើមខែកញ្ញា នេះថាកីឡាការិនី Siti Rosnani Azma នឹងចូលរួមក្នុងក្រុមបាល់ទាត់នារី INAC Kobe Leonessa។ នាងជាកីឡាការិនីបរទេសទី២ហើយដែលចូលរួមក្នុងក្រុមដែលប្រើប្រាស់កីឡដ្ឋាន Noevir Stadium Kobe មួយនេះបន្ទាប់ពីកីឡាការិនីកូរ៉េខាងត្បូង Hwang Ah-hyeon។
គិតត្រឹមពេលនេះអាស៊ានមានកីឡាការិនី៣ រូបហើយទៅប្រកបអាជីពនៅបាល់ទាត់នារីជប៉ុន គឺកីឡាការិនី Sarina Bolden របស់ហ្វីលីពីន ចូលរួមក្រុម AS Saitama កីឡាការិនី Quinley Quezada ចូលរួមក្រុមJEF United Chiba Ladies និង Siti Rosnani Azma ចូលរួមក្រុម INAC Kobe Leonessa៕
