សហព័ន្ធកីឡាបាល់ទាត់ថៃ បានបង្កើតពានរង្វាន់បាល់ទាត់ហ្វូតសាលអន្តរជាតិមួយទៀតដើម្បីឱ្យក្រុមជម្រើសជាតិហ្វូតសាលរបស់ខ្លួនកម្ដៅសាច់ដុំ មុនចេញទៅប្រកួតពានរង្វាន់ FIFA Futsal World Cup នៅប្រទេសលីទុយអានី ខណៈក្រុមជម្រើសជាតិរបស់ខ្លួនបានក្លាយជាម្ចាស់ជើងឯក។
ពានរង្វាន់ហ្វូតសាលនោះឈ្មោះថា SAT International Futsal Championship Thailand 2021 រៀបចំពីថ្ងៃទី២ ដល់ទី៦ ខែ កញ្ញា ឆ្នាំ២០២១ ដោយមានក្រុមម្ចាស់ផ្ទះថៃ អូម៉ង់ ឈីលី និង All Star (ជម្រើសកីឡាករល្អៗក្នុងលីគហ្វូតសាលថៃ)។
ជាលទ្ធផលឃើញថា៖
ថៃ ៧-០ អូម៉ង់
ឈីលី ០-៣ All Stars
ឈីលី ១-៤ ថៃ
អូម៉ង់ ២-៤ All Stars
អូម៉ង់ ០-២ ឈីលី
ថៃ ២-២All Stars
អត្ថបទពាក់ព័ន្ធ៖អាជ្ញាកណ្ដាល៣៩រូបមកពីទ្វីបទាំង៦ នឹងដឹកនាំប្រកួត 2021 FIFA Futsal World Cup
ចំណែកចំណាត់ថ្នាក់នៅក្នុងពានរង្វាន់នោះមាន៖
លេខ១ ថៃ មាន៧ពិន្ទុ
លេខ២ All Stars មាន ៧ពិន្ទុ
លេខ៣ ឈីលី មាន៣ពិន្ទុ
លេខ៤ អូម៉ង់ មិនមានពិន្ទុ
សូមបញ្ជាក់ថាមុនបង្កើតពានរង្វាន់បាល់ទាត់ SAT International Futsal Championship Thailand 2021 ថៃ បានបង្កើតពានរង្វាន់ហ្វូតសាលអន្តរជាតិឈ្មោះថា Continental Futsal Championship មានក្រុមចូលរួម៨ក្រុម ដោយប្រកួតពីថ្ងៃទី២៥ ដល់៣០ ខែកក្កដា ឆ្នាំ២០២១ ខណៈជើងឯកបានទៅក្រុមអ៊ីរ៉ង់ ហើយម្ចាស់ផ្ទះបានត្រឹមជើងឯករង៕
