ក្រោយរឿងអាស្រូវរបស់ខ្លួនហាក់ស្ងប់ស្ងាត់បន្តិចតួឯកស្រីដ៏ល្បីពីភាពយន្តភាគ «It’s Okay To Not Be Okay» កញ្ញា Seo Ye Ji កំពុងសិក្សានិងពិចារណាសម្ដែងរឿងភាគថ្មីឱ្យទូរទស្សន៍ TVN ។
នៅថ្ងៃទីអង្គារ ទី៧ ខែកញ្ញា ម្សិលមិញនេះ ផលិតកម្ម Gold Medalist ដែលជាផលិតកម្មគ្រប់គ្រងលើតារាស្រីរូបនេះបានចេញមកបញ្ជាក់ថាតារាស្រីរូបនេះនឹងសម្ដែងក្នុងភាពយន្តភាគថ្មីបែបមនោសញ្ចេតនាកម្សត់មានចំណងជើងថា «EVE Scandal» ដោយរឿងនេះមានគម្រោងចាក់បញ្ចាំងនៅឆមាសទីពីរនៃឆ្នាំ២០២២។
Seo Ye Ji នឹងសម្ដែងជាតួឯកស្រីដែលមានឈ្មោះថា Lee Ra El ប្រសិនបើតារាស្រីរូបនេះព្រមទទួលសម្ដែង។ ចាប់តាំងពីផ្ទុះរឿងអាស្រូវកាលពីកំឡុងខែមេសាកន្លងមក Seo Ye Ji បានបាត់បង់ការងារជាច្រើននៅក្នុងសិល្បៈដូចជាត្រូវដកចេញពីខ្សែភាពយន្ត «Island» ក៏ដូចជាបញ្ចប់កុងត្រាជាអ្នកផ្សព្វផ្សាយឱ្យផលិតផលនានាៗជាច្រើន ទោះជាផលិតកម្មដែលគ្រប់គ្រងលើតារាស្រីរូបនេះបានចេញមកបដិសេធរាល់ការចោទប្រកាន់ស្រោចខ្លួនតារាស្រីរូបនេះទាំងអស់។
សូមចុចអាន កុនមនោសញ្ចេតនាស្នេហាចំនួន ៥របស់កូរ៉េដែលអ្នកទស្សនាមិនគួររំលង!