សហព័ន្ធកីឡាបាល់ទាត់អេហ្ស៊ីប (EFA) បានសម្រេចចិត្តបញ្ចប់កិច្ចសន្យាជាមួយលោក Hossam al-Badry ដែលជាអ្នកចាត់ការទូទៅក្រុមបាល់ទាត់ជម្រើសជាតិអេហ្ស៊ីប ពោលគឺនៅថ្ងៃចន្ទ សប្ដាហ៍នេះ រំលង១ថ្ងៃ ក្រោយប្រកួតស្មើគ្នាជាមួយក្រុមជម្រើសជាតិហ្គាបុង ក្នុងវគ្គជម្រុះជើងឯកពិភពលោក 2022 FIFA World Cup Qatar ប្រចាំទ្វីបអាហ្រ្វិក។
🎥 Match Highlights: 🇬🇦 1-1 🇪🇬
— CAF (@CAF_Online) September 5, 2021
Late equalizer gets Egypt 1 point against Gabon in the second round of the #WCQ 🔥
via: @FIFAWorldCup | #WorldCup pic.twitter.com/vBFNZ51VvB
វគ្គជម្រុះប្រចាំទ្វីបអាហ្វ្រិកឈានដល់វគ្គជម្រុះជុំទី២ ហើយដោយនៅសល់៤០ក្រុមចែកជា១០ពូល ខណៈក្រុមអេហ្ស៊ីប នៅពូលជាមួយក្រុមលីប៊ី ហ្គាបុង និងអង់ហ្គោឡា។ ក្រុមលេខ១តាមពូលនីមួយៗមានឈ្មោះឡើងទៅជុំទី៣ ដើម្បីជ្រើសរើសយកក្រុមខ្លាំងចំនួន៥តំណាងទ្វីបឡើងទៅវគ្គ៣២ក្រុមចុងក្រោយជាមួយទ្វីបផ្សេងៗនៅប្រទេសកាតារ។
បើតាមការបញ្ជាក់របស់សហព័ន្ធកីឡាបាល់ទាត់អេហ្ស៊ីប បានធ្វើកិច្ចប្រជុំបន្ទាន់មួយមុនសម្រេចចិត្តបញ្ចប់កិច្ចសន្យាភ្លាមៗជាមួយលោក Hossam al-Badry។ យ៉ាងណាក្តីអ្នកចាត់ការទូទៅក្រុមថ្មី EFA នឹងប្រកាសយ៉ាងយូមុន៤៨ម៉ោង បន្ទាប់។
លទ្ធផលប្រកួតកន្លងមកអេហ្ស៊ីប បានឈ្នះអង់ហ្គោឡា ១ទល់០ ហើយស្មើគ្នាជាមួយហ្គាបុង ១ទល់១។ លទ្ធផលស្មើនេះគឺតាមទាន់នៅនាទី៩០+ ទៅហើយដោយកីឡាករ Mostafa Mohamed Ahmed Abdallah។ ប្រកួតបន្ទាប់ក្រុមជើងឯកទ្វីបអាហ្រ្វិក ៧សម័យកាលមួយនេះបន្តជួបក្រុមលេខ១ក្នុងពូលលីប៊ី នៅថ្ងៃទី៦ ខែតុលា ឆ្នាំ២០២១ ខាងមុខ មុនបញ្ចប់ជុំទី២ ហើយជុំទី២ ជួបលីប៊ី ឡើងវិញ ហើយបន្តប៉ះអង់ហ្គោឡា និងចុងក្រោយប៉ះហ្គាបុង៕
