ទំនាស់ប្ដីប្រពន្ធបុគ្គលល្បីនិងមានឥទ្ធិពលក្នុងសង្គមរវាងឧកញ៉ា ទ្រី ដាណា និងស្វាមី បានធ្វើឱ្យមហាជនមានការចាប់អារម្មណ៍យ៉ាងខ្លាំង ដោយមានអ្នកខ្លះជឿហើយមានការសោកស្ដាយមិនចង់ឱ្យប្ដីប្រពន្ធអ្នកទាំងពីរឈ្លោះទាស់ទែងគ្នា ខណៈអ្នកមួយចំនួនទៀតលើកឡើងថាជម្លោះយក Like Share និង Views ជាដើម។ល។
ដោយសារតែមានការលើកឡើងពីការសម្ដែងធ្វើជាឈ្លោះគ្នា និងមានផេកខ្លះទៀតបានផ្សាយថាឧកញ៉ា ទ្រី ដាណា និងស្វាមីបានវិលមកត្រូវរ៉ូវគ្នាឡើងវិញនោះ សាមីខ្លួនបានចេញមកធ្វើការបញ្ជាក់ចំពោះរឿងទំនាស់រហូតឈានទៅរកការផ្ដិតមេដៃលែងលះរវាងខ្លួនស្វាមី ដើម្បីបញ្ចប់មន្ទិលសង្ស័យពីសំណាក់មហាជនកាលពីរាត្រីថ្ងៃទី១២ ខែកញ្ញា ឆ្នាំ២០២១ ដោយការលើកឡើងរបស់ឧកញ៉ា ទ្រី ដាណា មានខ្លឹមសារទាំងស្រុងយ៉ាងដូច្នេះថា៖
«សូមផ្ញើសារទៅកាន់ផេកមួយចំនួនដែលយកវីដេអូចាស់ៗរាប់ខែរាប់ឆ្នាំហើយមកផុស ដើម្បីយកប្រយោជន៍ ធ្វើឲ្យមហាជនយល់ច្រឡំមកលើរូបខ្ញុំហើយ មួយវិញទៀតសម្រាប់រូបខ្ញុំនិងពូម៉ៅកំពុងតែបែកលំនៅគ្នា ហើយសំនុំរឿងលែងលះកំពុង ដំណើរការលើ ប្រព័ន្ធតុលាការ មនុស្សខ្ញុំតាំងពីដើមរហូតមកដល់ពេលនេះមិនដែលបំពានអ្នកដទៃហើយ ក៏មិនដែលជាន់ពន្លិចអ្នកដទៃដើម្បីភាពជោគជ័យរឺ ភាពល្បីល្បាញរបស់ខ្លួនឯងឡើយ សូមយកយល់ពេលនេះចង់ជម្រាបថា អ្នកដែលបំពាននឹងបំភ្លើសគេនឹងទទួលផលកម្ម ថ្ងៃទី 12,09,2021វេលាម៉ោង10,21នាទី ខ្លាចបងប្អូនយល់ច្រលំទៀតដាក់ថ្ងៃខែនិងម៉ោង»