គិតត្រឹមពេលនេះរកគណៈកម្មការបានរកឃើញក្រុមខ្លាំងជាងគេ៦ក្រុមមុនគេ កក់កៅអីឡើងទៅលេងវគ្គ៨ក្រុមចុងក្រោយនៃពានរង្វាន់បាល់ទាត់ AFC Champion League 2021 ដែលជាពានរង្វាន់ក្លិបធំជាងគេប្រចាំទ្វីបអាស៊ី។
ក្រុមទាំង៦នោះមាន Persepolis របស់អ៊ីរ៉ង់, Al Wahda របស់អារ៉ាប់រួម, Al-Hilal និង Al-Nassr របស់អារ៉ាប់ប៊ីសាអូឌីត, Ulsan Hyundai របស់កូរ៉េខាងត្បូង និង Nagoya Grampus របស់ជប៉ុន។
សម្រាប់លទ្ធផលនិងកម្មវិធីប្រកួតវគ្គ១៦ក្រុមចុងក្រោយមាន៖
*អាស៊ីខាងលិច
Istiklol (តាជីគីស្ថាន) ០-១ Persepolis (អ៊ីរ៉ង់)
Sharjah (អារ៉ាប់រួម)1–1 (4–5 p) Al-Wahda (អារ៉ាប់រួម)
Esteghlal (អ៊ីរ៉ង់) ០–២Al-Hilal (អារ៉ាប៊ីសាអ៊ូឌីត)
Al-Nassr (អារ៉ាប៊ីសាអ៊ូឌីត) ១–០Tractor (អ៊ីរ៉ង់)
*អាស៊ីខាងកើត
Ulsan Hyundai (កូរ៉េខាងត្បូង) ០–០ (3–2 p) Kawasaki Frontale (ជប៉ុន)
Nagoya Grampus (ជប៉ុន) ៤–២Daegu FC (កូរ៉េខាងត្បូង)
Jeonbuk Hyundai Motors (កូរ៉េខាងត្បូង) Vs BG Pathum United (ថៃ)
Cerezo Osaka (ជប៉ុន) Vs Pohang Steelers (កូរ៉េខាងត្បូង)
អត្ថបទពាក់ព័ន្ធ៖ក្រុមកូរ៉េខាងត្បូង ជប៉ុន និងថៃ ឡើងទៅវគ្គ១៦ក្រុមចុងក្រោយពាន Champion League ទ្វីបអាស៊ី
ពានរង្វាន់ AFC Champion League 2021 ត្រូវបានសហព័ន្ធកីឡាបាល់ទាត់អាស៊ី បែងចែកជា២តំបន់ដោយក្នុងនោះមានតំបន់ភាគខាងលិច (សហព័ន្ធបាល់ទាត់អាស៊ីខាងលិច,សហព័ន្ធបាល់ទាត់អាស៊ីខាងត្បូងនិងសហព័ន្ធបាល់ទាត់អាស៊ីកណ្ដាល) ចំណែកតំបន់មួយទៀតគឺអាស៊ីខាងកើត (សហព័ន្ធបាល់ទាត់អាស៊ីខាងកើត និងសហព័ន្ធបាល់ទាត់អាស៊ាន)។
ពានរង្វាន់ AFC Champion League បង្កើតឡើងដំបូងតាំងពីឆ្នាំ១៩៩៦-៩៧ ហើយក្រុម Al-Hilal របស់អារ៉ាប៊ីសាអ៊ូឌីត និងក្រុម Pohang Steelers របស់កូរ៉េខាងត្បូង ឈ្នះជើងឯកបានច្រើនជាងគេគឺចំនួន៣ដងម្នាក់ ខណៈក្រុមUlsan Hyundai ម្ចាស់ជើងឯកឆ្នាំចាស់៕
