តារាសម្ដែងខ្ពស់ស្រឡះសម្បុរស្រអែមបែបខ្មែរអង្គរ លោក អ៊ុន សិទ្ធា បានធ្លាក់ខ្លួនឈឺធ្ងន់ម្ដង៣មុខស្របពេលជាមួយគ្នា ក្នុងនោះមាន ជំងឺគ្រុនឈាម គ្រុនពោះវៀន និង រលាកក្រពះពោះវៀន បន្ទាប់ពីលោកត្រលប់ពីដើរលេងកម្សាន្តនៅរមណីដ្ឋានទឹកជ្រោះប៊ូស្រារួចនក។
យោងតាមការបង្ហោះរបស់សមីខ្លួនកាលពីថ្ងៃទី១៨ ខែកញ្ញា ឆ្នាំ២០២១ លោក អ៊ុន សិទ្ធា បានធ្វើការចែករំលែកពីអាការៈជំងឺរបស់លោកដល់អ្នកគាំទ្រ ក្រោយលោកបានប្រកាសថាលោកកើតជំងឺ ៣មុខក្នុងពេលតែមួយនាពេលកន្លងមកនោះ ថាបច្ចុប្បន្ននេះជំងឺរបស់លោកមានការធូរស្រាលបាន៦០ភាគរយហើយ។ តារាសម្ដែងឆ្នើមរូបនេះ ក៏ឆ្លៀតផ្ដាំផ្ញើទៅកាន់អ្នកគាំទ្រក៏ដូចជាបងប្អូនប្រជាពលរដ្ឋឱ្យមានការប្រុងប្រយ័ត្នផងដែរ៖
«នឹកម៉ែណាស់ជាសារមួយសំរាប់បងប្អូនដែលចូលចិត្តដំណេីរកំសាន្តតាមតំបន់ព្រៃភ្នំទឹកជ្រោះ ។ល។ សូមប្រុងប្រយ័ត្នការពារខ្លួន(មូសខ្លា)ពេលនេះខ្ញុំមានជំងឺគ្រុនឈាមផង គ្រុនចាញ់ផង នឹងរលាកក្រពះពោះវៀនទៀត ទេីបតែបានធូរ៦០%ទេ ។ ដូច្នេះដូចបានសរសេរខាងលេីសូមប្រុងប្រយ័ត្នផង នេះដោយសារការធ្វេសប្រហែសរបស់ខ្ញុំ ទេីបមានជំងឺបែបនេះ ពេលញាក់ម្តងៗឃេីញអស់ហេីយម៉ែឪ សូមថែរក្សាសុខភាពទាំងអស់គ្នា»️
ត្រយងសូមជូនពរឱ្យតួឯកប្រុសពីភាពយន្តភាគខ្មែរ «ម្ចាស់ក្រោលដំរី» រូបនេះឆាប់ជាសះស្បើយ ត្រលប់មកមានសុខភាពល្អបរិបូរ ហើយវិលមកសម្ដែងរឿងដើម្បីបម្រើចំណីអារម្មណ៍អ្នកទស្សនាជាបន្តទៀត។
