នៅសុខៗសោះតារាសម្ដែងដ៏ល្បីមួយរូបរបស់ថៃ Mookda ត្រូវអ្នកគាំទ្រតារាសម្ដែងស្រី Pooklook ចូលមកតវ៉ានិងប្រាប់ឱ្យមលុបពាក្យខមមិន ព្រោងព្រាត បង្កើតជាដ្រាម៉ាផ្អើលបណ្ដាញសង្គម។
រងគ្រោះបែបមិនដឹងខ្លួនសម្រាប់តារាស្រីឆ្នើមរបស់ប៉ុស្តិ៍លេខ៧ថៃកញ្ញា Mookda ព្រោះក្រោយពីចូលទៅខមមិននៅខាងក្រោមផុស IG របស់ កំលោះ Mike តារាឯកប្រុសធ្លាប់សម្ដែងរឿងជាមួយគ្នា ស្រាប់តែត្រូវអ្នកគាំទ្រតារាសម្ដែងស្រី Pooklook ចូលមកប្រាប់ឱ្យលុបពាក្យខមមិននោះចោល។
រឿងនេះកើតឡើងក្រោយ Mookda ចូលទៅខមមិនក្រោមរូប Mike ដែលបីកូនឆ្កែតូច ដោយកំលោះ Mike បានសរសេរ Caption ថា៖ «កុំយកចិត្តខ្លាំងបានទេ? ទ្រាំលែងបានហើយដឹងទេ?» ដោយបន្តមក Mookda បានចូលមកសរសេរក្រោមនោះថា «ប្អូន» មុននឹងមានអ្នកគាំទ្រមួយចំនួនចូលមកឆ្លើយតបក្នុងខមមិនខាងលើលក្ខណៈឱ្យតារាឯកស្រីវ័យក្មេងលុបខមមិនចេញ ព្រោះឆ្កែក្នុងរូបនោះជារបស់កញ្ញា Pooklook។
ក្រោយមកទៀតបានក្លាយជារឿងរ៉ាវដ្រាម៉ា ព្រោះអ្នកលេងបណ្ដាញសង្គមបានចូលមកខមមិនឆ្លងឆ្លើយគ្នាយ៉ាងក្ដៅគគុក មិនថា «សុំឱ្យលុបខមមិនចេញ» «កូនឆ្កែថ្មី Pooklook យកមកចិញ្ចឹម មិនមែនឆ្កែបងម៉ៃទេ» «លុបខមមិនចេញ» «ខ្មាសគេ អស់សំណើចខ្លាំងណាស់» «ឆ្កែរបស់ Pooklook ទេ» «មកលឿនខ្លាំងណាស់» «អស់សំណើច» «ឆ្កែរបស់ Pooklook» «ពេលម៉ាក់ Pooklook ស្លាប់មិនឃើញមកខមមិនចែករំលែកទុក្ខសោះ»។
ខណៈដែលមានអ្នកខ្លះបានចេញមកឆ្លើយតបចំពោះអ្នកខមមិនដែលឱ្យតារាស្រីខាងលើលុបចោលខមមិនរបស់ខ្លួនវិញថា Mookda និង Mike គឺជាតារាសម្ដែងក្នុងស្ថានីយតែមួយដូច្នេះការចូលមកខមមិនគឺជាការបង្ហាញនូវមិត្តភាពល្អៗចំពោះគ្នា ចំណែកអ្នកខ្លះទៀតលើកឡើងថា «គ្រាន់តែខមមិនឱ្យកូនឆ្កែព្រោះតែស្រលាញ់សោះតាមរករឿងធ្វើអី?» «ចង់ឆ្កែរបស់អ្នកណាមិនមានអ្វីសំខាន់សំខាន់ឆ្កែគួរឱ្យស្រលាញ់» «កុំទៅខ្វល់មនុស្សអស់នេះ»៕
ប្រភព៖ Khaosod