ខណៈដែលតារាៗស្ថិតក្នុងការចាប់អារម្មណ៍ច្រើនពីសាធារណជន ដោយសារតែទម្លាប់និងរឿងផ្សេងៗ តារាសង្ហាពីរដួងគឺ Brad Pitt និង Leonardo DiCaprio ក៏ត្រូវបានគេរាយការណ៍ថាមិនសូវចូលចិត្តងូតទឹកនោះទេ។
ខណៈដែលមនុស្សមានកេរ្តិ៍ឈ្មោះល្បីល្បាញដូចជា Brad Pitt ត្រូវបានគេយល់ឃើញច្បាស់ជាស្អាតនិងចូលចិត្តងូតទឹកញឹកញាប់ ប៉ុន្តែការពិត Brad Pitt គឺជាមនុស្សដែលរវល់ខ្លាំងណាស់ដូច្នេះលោកមិនសូវមានពេលវេលាបានងូតទឹកស្រួលបួលនោះទេ យោងតាមការផ្សាយរបស់គេហទំព័រ The Things បានឱ្យដឹងថាក្រោយបែកញើសពេញមួយថ្ងៃដោយសារតែថតភាពយន្ត តារារូបនេះបានរូបកន្សែតសើមកូនក្មេងមកជូតមុខជូតខ្លួន និងជូតនៅក្រោមក្លៀកដើម្បីឱ្យស្រស់ស្រាយខ្លួន ហើយអាចបន្តការងារទៅមុខទៀត។
តារាល្បីម្នាក់ទៀតដែលមិនចូលចិត្តងូតទឹកដែរនោះគឺប្រុសស្អាត Leonardo DiCaprio ក៏បានឱ្យដឹងដែរថាមូលហេតុដែលលោកមិនសូវចូលចិត្តងូតទឹកនោះមិនសូវខុសគ្នាពី Brad Pitt នោះទេ ខណៈដែល Brad Pitt មិនសូវងូតទឹកព្រោះពេលវេលាខ្លី តែ Leonardo មិនចង់ងូតទឹកដោយសារតែខ្វល់ខ្វាយពីបញ្ហាបរិស្ថាន។ លោកបានសម្របខ្លួនជាមួយនឹងការរស់នៅបែប Eco-Friendly ហើយដើម្បីធ្វើបែបនេះបានលោកគួរតែផ្អាកការងូតទឹកឱ្យកាន់តែច្រើន។ យោងតាមអតីតមិត្តស្រីរបស់លោក Erin Heatherton បានឱ្យដឹងថាតារារូបនេះមិនត្រឹមតែមិនសូវចង់ប្រើប្រាស់សាប៊ូនិងទឹកនោះទេ តែលោកថែមទាំងមិនលាងក្លៀកដើម្បីចង់ឱ្យគ្រប់យ៉ាងស្ថិតក្នុងលក្ខណៈធម្មជាតិឱ្យកាន់តែខ្លាំង។
សម្រាប់ករណីរបស់តារាទាំងពីររូបនេះអាចធ្វើតាមលក្ខណៈបានដើម្បីអភិរក្សទឹកនោះគឺក្រៅពីប្រើពេលខ្លូហលយនោះការងូតទឹកអាចកាត់បន្ថយពី៨នាទីមកត្រឹម៥នាទី ឬកុំបើកទឹកខ្ជះខ្ជាយបើកតែពេលត្រូវលាងជំរះខ្លួនជាការស្រេច។
