នៅរសៀលថ្ងៃច័ន្ទទី២៧ ខែកញ្ញា ឆ្នាំ២០២១ នេះតារាសម្ដែងខ្ពស់ស្រឡះម្ចាស់រហស្សនាម បុរសសង្ហាសំបុរខ្មែរអង្គរ លោក អ៊ុន សិទ្ធា បានលេចវត្តមាន Live លក់ផលិតអនឡាញដូចជាតារារួមអាជីពមួយចំនួនទៀតដែលងាកមកចាប់ផ្ដើមរបរអនឡាញ ក្រោយការងារសម្ដែងមួយរយៈនេះរាងរយាលព្រោះវិបត្តិនៃជំងឺកូវីដ-១៩។ ប៉ុន្តែផលិតផលដែលតារាសម្ដែងនេះ Live លក់ហាក់ខុសគ្នាដាច់ស្រឡះពីតារាផ្សេងៗដែលផ្ដោតលើការលក់ផលិតផល ម្សៅ Make up សម្លៀកបំពាក់ អាហារ និងគ្រឿងអលង្ការ តែលោកបែរជាលក់របស់មានជីវិតទៅវិញ។
យោងតាមការបង្ហោះរបស់ផេក «Happy Animals Kh» ដែលបាន Live ហើយមានវត្តមានតារាប្រុសរូបសង្ហាម្នាក់នេះ ដើរតួជាអ្នកប្រូម៉ូតលក់កូនឆ្មាដ៏គួរឱ្យស្រលាញ់ជាច្រើនប្រភេទ បានយ៉ាងស្ទាត់ជំនាញនិងរត់មាត់ ប្រៀបដូចជាអ្នកលក់អាជីពម្នាក់ព្រោះលោកអាចនិយាយបណែនាំពីប្រភេទឆ្មានិមួយៗបានយ៉ាងច្បាស់លាស់។
ប៉ុន្តែនៅពេលមានអ្នកសាកសួរថាលោកជាអ្នកលក់ឬយ៉ាងណានោះ បុរសសំបុរស្រអែមរូបនេះបានឱ្យដឹងថាការពិតលក់មិនមែនជាអ្នកលក់អីនោះទេ តែលក់មកទទួលយកកូនឆ្មាដែលលោកកុម្មង់ ហើយចាំពេលដែលម្ចាស់ហាងជាមិត្តរបស់លោកកំពុង Live លក់ទើបលោកចូលជួយ Live លក់ តែម្ដងទៅ។
ប្រភពវីដេអូ៖
