ក្រុមបាល់ទាត់ Manchester United ត្រូវបើកទ្វាកីឡដ្ឋានOld Trafford ក្នុងទីក្រុង Manchester របស់ខ្លួនទទួលក្រុម Villarreal របស់អេស្ប៉ាញ ក្នុងវគ្គជម្រុះពូល F នៃពានរង្វាន់ជើងឯកទ្វីបអឺរ៉ុប 2021–22 UEFA Champions League នៅវេលាម៉ោង២រំលងអាធ្រាត្រយប់ថ្ងៃព្រហស្បតិ៍ ទី២៩ ខែកញ្ញា ឆ្នាំ២០២១។
ក្រុម Manchester United ក្រោមការដឹកនាំរបស់លោក Ole Gunnar Solskjaer បច្ចុប្បន្នមានវ័យ៤៨ឆ្នាំ មកពីក្របខណ្ឌ Premier League របស់ប្រទេសអង់គ្លេសដោយ ដឹកនាំ៦ប្រកួតកន្លងទៅ ឈ្នះ៤ ស្មើ១ និងចាញ់១ មាន១៣ពិន្ទុ ឈរលេខរៀងទី៤។
ចំណែកក្រុម Villarreal ក្រោមការដឹកនាំរបស់លោក Unai Emery បច្ចុប្បន្នមានវ័យ៤៩ឆ្នាំ មកពីក្របខណ្ឌ Laliga របស់ប្រទេសអេស្ប៉ាញដោយ ដឹកនាំ៦ប្រកួត ឈ្នះ១ ស្មើ៥ មិនដែលចាញ់ មាន៨ពិន្ទុ ឈរលេខរៀងទី១១។
កីឡាករសំខាន់ៗរបស់ក្រុមទាំងពីរ៖
*Cristiano Ronaldo បង្ហាញខ្លួនជាថ្មីជាកីឡាករក្រុមបិសាចក្រហម Manchester United បានចូលខ្លួនប្រកួតជា៤លើកសម្រាប់រដូវកាលថ្មីនេះ ហើយរកបានគ្រាប់បាល់ចំនួន៤គ្រាប់ ដោយក្នុងនោះ៖
-២គ្រាប់ទល់នឹង Newcastle
-១គ្រាប់ទល់នឹង Young Boys
-១គ្រាប់ទល់នឹង West-Ham United
-ខកខានស៊ុតបញ្ចូលទីទល់នឹង Aston Villa។
*Manu Trigueros បង្ហាញខ្លួន៧លើកឲ្យក្រុម Villarreal នៅរដូវកាលថ្មីនេះហើយគាត់អាចរកបានគ្រាប់បាល់ចំនួន៣គ្រាប់ គឺ៖
-១គ្រាប់ទល់នឹង Atletico Madrid
-១គ្រាប់ទល់នឹង Atalanta
-១គ្រាប់ទល់នឹង Elche។
រឿងរ៉ាវសំខាន់៖
Cristiano Ronaldo ធ្លាប់លេងទល់នឹងក្រុម Villarreal ៤លើកចន្លោះឆ្នាំ ២០០៥/០៦ និងឆ្នាំ ២០០៨/០៩ ក្នុងនាមជាកីឡាករ Manchester United ក្រោមការដឹកនាំរបស់លោក Air Alex Ferguson ដោយមិនអាចស៊ុតបញ្ចូលម្តងណាឡើយពោលគឺបញ្ចប់លទ្ធផល ០-០ ទាំង៤ប្រកួតស្ទើរមិនគួរឲ្យជឿ។
១. ឆ្នាំ២០០៥ ថ្ងៃទី១៤ ខែកញ្ញា៖ Villarreal 0-0 Manchester United
២. ឆ្នាំ២០០៥ ថ្ងៃទី២២ ខែវិច្ឆិកា៖ Manchester United 0-0 Villarreal
៣. ឆ្នាំ២០០៨ ថ្ងៃទី១៧ ខែកញ្ញា ៖ Manchester United 0-0 Villarreal
៤. ឆ្នាំ២០០៨ ថ្ងៃទី២៥ ខែវិច្ឆិកា ៖ Villarreal 0-0 Manchester United។
ជំនួបលើកចុងក្រោយ៖
ក្រុម Villarreal បានយកឈ្នះ Manchester United ដោយការទាត់បាល់កាត់សេចក្តី ១១-១០ ក្លាយជាម្ចាស់ជើងឯកពានរង្វាន់ Europa League រដូវកាល ២០២០-២១ ជាលើកដំបូង នឹងជាលើកទី៤ដែលលោក Unai Emery ធ្លាប់ឈ្នះកន្លងមក។
កីឡាករអវត្តមាននៅយប់នេះ៖
-Manchester United មានចំនួន៥រូប៖ Shaw, Rashford, Maguire និង Diallo បញ្ហារបួស ចំណែកម្នាក់ទៀតជាប់កាតក្រហមគឺ Wan Bissaka ពេលលេងប៉ះ Young Boys។
-Villarreal មានចំនួន៣រូប៖ Gerard Moreno, Chukwueze និង Foyth បញ្ហារបួសមិនទាន់អាចចូលហ្វឹកហាត់បាន។
កីឡាករទំនងជាប់ជម្រើស១១នាក់នៅយប់នេះរបស់ក្រុមទាំង២៖
Manchester United ទម្រង់លេង ៤-២-៣-១៖
អ្នកចាំទី៖ De Gea
ខ្សែការពារ៖ Dalot, Lindelof, Varane, Telles
ខ្សែបម្រើ៖ McTominay, Fred, Pogba, Fernandes
ខ្សែប្រយុទ្ធ៖ Ronaldo, Greenwood។
Villarreal ទម្រង់លេង ៤-៣-៣៖
អ្នកចាំទី៖ Rulli
ខ្សែការពារ៖ Foyth, Albiol, Torres, Moreno
ខ្សែបម្រើ៖ Parejo, Capoue, Trigueros
ខ្សែប្រយុទ្ធ៖ Danjuma, Alcacer, Pino។
គូប្រកួតផ្សេងទៀតតាមល្វែងម៉ោង 20:00 BST៖