យោងតាមរយៈ Page Facebook ថៃ-ភូមា:ព្រោះព្រំដែនជាប់គ្នា (FACEBOOK ไทย – พม่า : เพราะแผ่นดินเราติดกัน) បានបង្ហោះចែករំលែកកាលពីពេលថ្មីៗបានចែករំលែកផុសរបស់ម្ចាស់គណនីមួយដែលមានឈ្មោះថា Natty in Myanmar បាន Update រឿងរ៉ាវរបស់ Paing Takhon តារាម៉ូដែល-តារាម៉ូដែលរាងខ្ពស់សង្ហា សក់វែង ជាបុគ្គលដែលមានកេរ្តិ៍ឈ្មោះល្បីល្បាញដល់ប្រទេសថៃនិងប្រទេសកម្ពុជាផងនោះថា លោកត្រូវបានចាប់ខ្លួន ដំណើរការក្ដីតាមផ្លូវច្បាប់ហើយ ពាក់ព័ន្ធទៅនឹងករណីលោកចេញមកប្រឆាំងនឹងរដ្ឋប្រហារក្នុងប្រទេសមីយ៉ាន់ម៉ា។
ម្ចាស់គណនី Facebook ខាងលើនេះបានបើកបង្ហើបដូច្នេះថា៖
«ដំណឹងសោកសៅប្រចាំថ្ងៃ! សារព័ត៌មាន Coconut បានធ្វើសេចក្ដីរាយការណ៍ដោយយោងតាមមេធាវីរបស់ Paing Takhon ថា Paing អាចនឹងត្រូវជាប់ពន្ធនាគាររហូតដល់ទៅ៦ខែទៀត ដោយសារតែការកាត់ក្ដីត្រូវបានពន្យារពេលជាបន្តបន្ទាប់ ហើយចាំបាច់ត្រូវរៀបចំផែនការតស៊ូក្ដីជាថ្មីឡើងវិញ»
សម្រាប់ការកាត់ក្ដីរបស់ Paing Takhon នឹងត្រូវធ្វើឡើងនៅថ្ងៃទី១៣ ខែតុលា ឆ្នាំ២០២១ ពោលគឺនៅសប្ដាហ៍ក្រោយនេះ បន្ទាប់ពីបានពន្យារពេលម្ដងហើយម្ដងទៀតអស់រយៈពេល៣ខែកន្លងមកហើយ។
គួរដឹងដែរថា ប្រុសស្អាត Paing Takhon ដែលមានអាយុគ្រប់២៥ ឆ្នាំ កាលពីពេលថ្មីៗនេះចាំបាច់ត្រូវឆ្លងថ្ងៃកំណើតរបស់ខ្លួននៅក្នុងពន្ធនាគារតែម្នាក់ឯង៕