រឿងអាស្រូវស្នេហារបស់តារាល្បីមានឱ្យតាមដានជារៀងរាល់ថ្ងៃនៅលើបណ្ដាញសង្គម រឿងខ្លះមិនគួរឱ្យចាប់អារម្មណ៍អាចមើលរំលងបាន ប៉ុន្តែសម្រាប់ព័ត៌មានស្នេហារបស់ស្រីស្អាត Selena Gomez និងប្រុសស្អាត Chris Evans មិនអាចអូសរំលងបាននោះទេ។
អ្នកគាំទ្រនៅតែបន្តតាមដាននិងមិនបញ្ចប់ការជជែកវែកញែកគ្នាពាក់ព័ន្ធនឹងដំណឹងស្នេហារវាង Selena និង Chris ចាប់តាំងពីលេចចេញដំណឹងចចាមអារ៉ាមថាអ្នកទាំងពីរបានទាក់ទងគ្នាមកម្ល៉េះ។ អ្វីដែលទាក់ទាញការចាប់អារម្មណ៍នោះគឺ តើស្ថាបនិក Brand ផលិតផល Rare Beaty ទៅជួប Captain America ដោយរបៀបណា? តើ Chris ជាអ្នកគាំទ្រកម្មវិធីថ្មីរបស់ Selena ដែលមានឈ្មោះថា Only Murders in the Building ដែរទេ? ប្រាកដណាស់សម្រាប់សំនួរគឺមានច្រើនរាប់មិនអស់ ក្រោយផ្ទុះដំណឹងស្នេហារវាងតារាល្បីទាំងពីរដួងខាងលើនេះ។
សម្រាប់ចម្លើយដែល Fan បានរកឃើញនិងសន្មតពីទំនាក់ទំនងដែលអាចទៅរួចរបស់ Selena Gomez និង Chris Evans គឺមាននៅខាងក្រោមនេះ។
ចាប់តាំងពីបែកបាក់ជាមួយនឹង The Weeknd កាលពីឆ្នាំ២០១៧ និងទំនាក់ទំនងម្ដងជាម្ដងត្រូវជាមួយនឹងអតីតមិត្តប្រុស Justin Bieber កាលពីឆ្នាំ ២០១០ និងត្រូវគ្នាមួយរយៈខ្លីកាលពីឆ្នាំ២០១៨ ជាមួយនឹង Justin ម្ដងទៀត ស្រីស្អាត Selena មិនដែលបង្ហើបពីទំនាក់ទំនងរបស់ខ្លួនជាសាធារណៈទៀតនោះឡើយ។
ប៉ុន្តែតារាស្រីរូបនេះបន្តលេចចេញដំណឹងស្នេហាជាច្រើនក្នុងនោះមានជាមួយនឹងតារាសម្ដែងរួមគ្នាគឺ Aaron Dominguez ប៉ុន្តែត្រូវបានសមីខាងស្រីបដិសេធ។
Selena បានបង្ហើបឱ្យដឹងថាខ្លួនមិនមានអ្នកណានោះទេ «ខ្ញុំអត់មានពាក់ព័ន្ធជាមួយអ្នកណានោះទេ» យោងតាមការលើកឡើងនេះបានន័យថា Selena និង Chirs អាចចាប់ផ្ដើមទាក់ទងគ្នាកំឡុងខែមិនា ឆ្នាំ២០២១ នេះ។
បីចំណុចសំខាន់ៗដែលធ្វើឱ្យមហាជនក៏ដូចជាអ្នកគាំទ្រសង្ស័យថា ម្ចាស់បទ «Lose You To Love Me» និង Captain America ប្រហែលអាចមានស្នេហានឹងគ្នា៦ឆ្នាំហើយ មុននឹង Selena ដាច់ចិត្តទម្លាយថានាងលួចពេញចិត្ត Chris Evans គឺ៖
១. នៅក្នុងខែតុលា ឆ្នាំ២០២១នេះ Selena និង Chris ត្រូវបានគេឃើញបង្ហាញវត្តមាននៅក្នុងភោជនីយដ្ឋានតែមួយជាមួយគ្នា
២. នៅក្នុងខែតុលា ឆ្នាំ២០២១ ដដែលនេះ Chris Evans ចាប់ផ្ដើម Follows គណនី IG របស់ Selena Gomez
៣. ៦ឆ្នាំមុន ខែតុលា ឆ្នាំ២០១៥ Selena បានទទួលស្គាល់ថានាងលួចពេញចិត្តចំពោះតួឯកប្រុស Captain America ដោយនាងបាននិយាយថា Chris មើលទៅគួរឱ្យស្រលាញ់
