គិតត្រឹមពេលនេះគណៈកម្មការរៀបចំការប្រកួតនៃពានរង្វាន់បាល់ទះ Special Volleyball Challenge 2021 បានរកឃើញក្រុមខ្លាំងឡើងដល់វគ្គពាក់កណ្ដាលផ្ដាច់ព្រ័ត្រ ហើយក្រោយដំណើរការប្រកួតក្នុងវគ្គជម្រុះតាមពូលតាំងពីថ្ងៃទី២៤ ខែកញ្ញា ឆ្នាំ២០២១ មក។
កម្មវិធីប្រកួតវគ្គពាក់កណ្ដាលផ្ដាច់ព្រ័ត្រមានដូចជា៖
សូមបញ្ជាក់ថាមានក្រុមចំនួន១១ ក្រុមចូលរួមប្រកួតក្នុងពានរង្វាន់ Special Volleyball Challenge 2021 ដោយក្នុងនោះពូល A មានក្លិបបាល់ទះ S&E Cambodia, ក្លិបបាល់ទះកោះដាច់, ក្លិបបាល់ទះកងពលអន្តរាគមន៍លេខ៣,ក្លិបបាល់ទះស្នងការដ្ឋាននគរបាលរាជធានីភ្នំពេញ,ក្លិបបាល់ទះ PS Concrete និងសមាគមបាល់ទះវិសាខា។ ពូល B មាន ក្លិបបាល់ទះគង់នៅវត្តប្រាសាទ,ក្លិបបាល់ទះក្រសួងមហាផ្ទៃ,ក្លិបបាល់ទះយុវជនស្រុកល្វាឯម,ក្លិបបាល់ទះអធិរាជប្រអប់ និងក្លិបបាល់ទះយុវជនខេត្តបន្ទាយមានជ័យ។
ចំណែករូបមន្តនៃការប្រកួតមាន៖
-វគ្គសន្សំពិន្ទុក្នុងពូល៖ ពីថ្ងៃទី២៤ កញ្ញា ដល់ថ្ងៃទី១០ តុលា ឆ្នាំ២០២១ ដោយក្រុមចំណាត់ថ្នាក់លេខ១និងលេខ២តាមពូលនីមួយៗ មានឈ្មោះឡើងទៅវគ្គបន្តដែលជាវគ្គពាក់កណ្ដាលផ្ដាច់ព្រ័ត្រ។
-វគ្គចុងក្រោយ៖ វគ្គពាក់កណ្ដាលផ្ដាច់ព្រ័ត្រ នៅថ្ងៃទី១៣ ខែតុលា ឆ្នាំ២០២១ ហើយក្រុមដែលឈ្នះមានឈ្មោះទៅដណ្តើមជើងឯក និងក្រុមចាញ់មានឈ្មោះចូលដណ្តើមចំណាត់ថ្នាក់លេខ៣ ដែលត្រូវប្រកួតនៅថ្ងៃទី១៧ ខែតុលា ឆ្នាំ២០២១។
*ចំណែករង្វាន់លើកទឹកចិត្តសម្រាប់ក្រុមជ័យលាភីមាន៖
-ចំណាត់ថ្នាក់លេខ១ រង្វាន់ជាពានចំនួនមួយ និងថវិកាចំនួន ១០លានរៀល
-ចំណាត់ថ្នាក់លេខ២ រង្វាន់ជាថវិកាចំនួន ៨លានរៀល
-ចំណាត់ថ្នាក់លេខ៣ រង្វាន់ជាថវិកាចំនួន ៦លានរៀល
សម្រាប់ពានរង្វាន់ឯកត្តបុគ្គលរួមមាន៖
-កីឡាករវាយប្រយុទ្ធល្អជាងគេ រង្វាន់ជាថវិកាចំនួន ៤សែនរៀល
-កីឡាករលើកបាល់ល្អជាងគេ រង្វាន់ជាថវិកាចំនួន ៤សែនរៀល
-កីឡាករឆ្នើម (MVP) រង្វាន់ជាថវិកាចំនួន ៤សែនរៀល
