តារាកំប្លែងដ៏ល្បីលោក ចែម ចាន់រ៉ា ហៅ ពាក់មី កាលពីថ្ងៃទី៩ ខែតុលា បានផុសរូបថតលោកនិងប្រពន្ធលោក ព្រមទាំងលើកឡើងថា សម័យទំនើបមែន តែអបិយជំនឿ នៅតែមាន បារមី ព្រលឹងវិញ្ញាណ មានពិតប្រាកដ នៅជុំវិញខ្លួនយើងរាល់ថ្ងៃ។ យ៉ាងណាមិញពាក្យប៉ុន្មានឃ្លារបស់លោកបានធ្វើឱ្យមានទំនាស់លើបណ្ដាញសង្គម ព្រមទាំងត្រូវរងការជេរប្រមាថ ថាលោកអបិយជំនឿ រហូតតារាកំប្លែងរូបនេះមិនអាចអត់ទ្រាំបាន ដាច់ចិត្តទម្លាយវីដេអូប្រពន្ធលោកត្រូវវិញ្ញាណមនុស្សប្រុសចូលខ្លួន រហូតឈានដល់រកគ្រូ និងព្រះសង្ឃស្រោចទឹក។
ក្រោយពីបង្ហោះវីដេអូបកស្រាយដើម្បីលាតត្រដាង ការពិត ដែលធ្វើឱ្យលោកនាំភរិយាទៅគ្រូ និងលោកសង្ឃ ហើយនោះ នាយពាក់មី ក៏នៅតែបន្តនាំប្រពន្ធរបស់លោកទៅស្រោចទឹកជាបន្តទៀត សង្ឃឹមថានឹងមិនមានផ្លូវងងឹត ចូលមកបៀតបៀនប្រពន្ធលោកទៀត ដោយលោកបានបញ្ជាក់ក្នុងសំណេរថានាំប្រពន្ធលោកទៅស្រោចទឹកនៅវត្ត នៅវត្តឈូក ខេត្តព្រៃវែង កាលពីព្រឹកថ្ងៃទី១១ ខែតុលានេះ។
ចង់ដឹងលម្អិតពីរឿងរ៉ាវទាំងអស់នេះឱ្យកាន់តែច្បាស់ សូមទស្សនាវីដេអូខាងក្រោមនេះ៖
បន្តមកទៀត នាយពាក់មី បានបន្តផុសវីដេអូខ្លីមួយទៀតដែលមានរយៈពេលប្រមាណ ១៩.៥៤ វិនាទី ដើម្បីបកស្រាយកាន់តែលម្អិត ពិសេសសារភាពថាលោកពីមុនលោកមិនជឿរឿងអស់នេះទេ តែពេលប៉ះចំគ្រួសារលោកពេលនេះលោកជឿហើយ។
