ភ្នំពេញ៖ នារីជនជាតិបរទេសម្នាក់បានបើរថយន្ដសេរីទំនើប Mercedes AMG ពណ៍ខ្មៅមួយគ្រឿងពាក់ស្លាកលេខភ្នំពេញ 2BL 2682 ក្នុងល្បឿនលឿនតាមបណ្ដោយផ្លូវ កម្ពុជាក្រោមក្នុងទិសដៅ ពីកើតទៅលិចមកដល់កន្លែងកើតហេតុក៏បានរ៉េចង្កូតទៅបុកក្បាលនាគពុះចែកទ្រូងផ្លូវបាក់អស់មួយផ្ទាំងចំណែករថយន្ដរងកាខូចខាតយ៉ាងដំណំផ្នែកខាងមុខ។
ក្នុងហេតុការណ៍ខាងលើនេះ ពុំបណ្ដាលឱ្យអ្នកបើកបរ និងអ្នករួមដំណើរតាមដងផ្លូវរងរបួសនោះទេ រីឯនារីជនជាតិបរទេសម្នាក់នេះ មានរថយន្តមួយគ្រឿងបានយកនារីនោះរត់គេចបាត់បាន បន្សល់ទុករថយន្តនៅកន្លែងកើតហេតុ។
ករណីគ្រោះថ្នាក់ចរាចរណ៍នេះ កម្ពុជាក្រោមស្ថិតក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ កើតឡើងនៅយប់ថ្ងៃទី១២ ខែតុលា ឆ្នាំ២០២១។
ក្រោយពេលកើតហេតុនរគបាលចរាចរណ៍ជើងគោក នៃស្នងការដ្ឋានរាជធានីភ្នំពេញបានចុះមកដល់កន្លែងកើតហេតុធ្វើការស្ទូចរថយន្ដយកទៅរក្សាទុកនៅស្នងការដ្ឋានរាជធានីភ្នំពេញដើម្បីរងចាំម្ចាស់មកធ្វើការដោះស្រាយនៅពេលក្រោយ៕