យមិត្តអ្នកគាំទ្រកម្មវិធីប្រកួត Miss Grand Cambodia 2021 ជាច្រើនដែលដាក់ក្ដីសង្ឃឹមនឹងរំពឹងខ្ពស់លើអាយដលរបស់ខ្លួន ហាក់ពេញចិត្តពេញថ្លើមយ៉ាងខ្លាំង នៅពេលការប្រកាសលទ្ធផលប្រកួតម្ចាស់មកុដប្រចាំឆ្នាំ២០២១ នេះបានធ្លាក់ទៅលើដៃស្រីស្អាតសម្បូរសមត្ថភាពដែលតំណាងឱ្យខេត្តបាត់ដំបងគឺកញ្ញា ប៉ូ គីមថេងសុតធីតា។
សូមចុចអាន ប៉ូ គីមថេងសុតធីតា៖ មិនចុះចាញ់ ប្រកួតហើយប្រកួតទៀត ទាល់តែឈ្នះក្លាយជាម្ចាស់ជយលាភី
ទម្រាំទទួលបានជោគជ័យមានឱកាសគ្រងមកុដជយលាភីតំណែងឯកចំណាត់ថ្នាក់លេខ១ Miss Grand Cambodia 2021 កញ្ញា ប៉ូ គីមថេងសុតធីតា ត្រូវហែលឆ្លងកាត់ការតស៊ូ ព្យាយាម ប្រឹងប្រែង ក្នុងវិស័យប្រកួតប្រជែងអស់រយៈពេល៦ឆ្នាំ។
នៅក្នុងរាត្រីគ្រងមកុដ Miss Grand Cambodia 2021 កាលពីថ្ងៃសៅរ៍ ទី ៩ ខែតុលា កន្លងទៅថ្មីៗនេះ ធីតា គឺជាបេក្ខនារីមួយរូបដែលលេចធ្លោ ចាប់តាំងពីដំណើរការប្រកួតដំបូង រហូតដល់វគ្គប្រកួតបឋម និងចុងក្រោយនៅវគ្គប្រកួតផ្ដាច់ព្រ័ត្រតែម្ដង ព្រោះកញ្ញាមានសំឡេងគាំទ្រយ៉ាងច្រើនពីសំណាក់អ្នកទស្សនាដោយប្រព័ន្ធអនឡាញលើបណ្ដាញសង្គមហ្វេសប៊ុកតាមរយៈផេក Miss Grand Cambodia។
ងាកមកដឹងពីរឿងរ៉ាវនិងប្រវត្តិតស៊ូរបស់ ប៉ូ គីមថេងសុតធីតា ដែលបានពុះពារក្នុងវិស័យការប្រកួតប្រជែងសម្រស់នាពេលកន្លងមក កញ្ញាដ៏សោភារូបនេះធ្លាប់បានប្រកួតប្រជែងជិត១០កម្មវធីប្រកួតក្នុងនោះមាន៖
– Khmer super model ( ជាប់ត្រឹម top 10 )
– Miss Grand Cambodia 2016 (មិនមានចំណាត់ថ្នាក់)
– Miss Grand Cambodia 2017 ( ជាប់ត្រឹម top10)
– Miss Tourism world ( ជាប់ចំណាត់ 3rd runner up ឬចំណាត់ថ្នាក់លេខ៤ )
– Asian Model Festival 2018
– Miss universe Cambodia ( ជាប់ចំណាត់ 3rd runner up ឬចំណាត់ថ្នាក់លេខ៤ )
– Miss Asia Pacific
– Miss Touris Metropolitan ( top 10 )
យោងតាមរយៈការចូលរួមប្រកួតប្រជែងដ៏ច្រើន ប្រកួតហើយប្រកួតទៀត មិនរុញរា មិនបោះបង់ចោលក្ដីសុបិន និងក្ដីស្រលាញ់របស់ខ្លួន បានច្នៃនិងដុះខាត់ក្មេងស្រីរូបនេះឱ្យមានសមត្ថភាពកាន់តែខ្លាំង រួមផ្សំដោយភាពក្លាហាន ហ៊ាននិយាយ ហ៊ានបង្ហាញ ពេញបរិបូរទៅដោយភាពជឿជាក់ បានធ្វើឱ្យ ប៉ូ គីមថេងសុតធីតា ឈ្នះតំណែងឯកចំណាត់ថ្នាក់លេខមួយមកក្ដោបក្នុងកណ្ដាប់ដៃនៅទីបំផុត។
កញ្ញា ប៉ូ គីមថេងសុតធីតា ម្ចាស់ជយលាភី Miss Grand Cambodia ២០២១ ច្បាស់ណាស់គឺជាបវរកញ្ញាតំណាងឱ្យប្រទេសកម្ពុជាទៅចូលរួមប្រកួតក្នុងវេទិកាប្រកួតអន្តរជាតិ Miss Grand International នៅខេត្តភូកេត ព្រះរាជាណាចក្រថៃ នៅថ្ងៃសៅរ៍ទី៤ ខែធ្នូ ឆ្នាំ២០២១ ខាងមុខនេះ៕
