ស្រលាញ់សិល្បៈ ចង់ក្លាយជាតារាសម្ដែង តែមិនមានឱកាសមិនដឹងថាធ្វើយ៉ាងណាទើបអាចក្លាយជាតារាសម្ដែងមែនទេ? សូមជម្រាបជូនចំពោះអ្នកមានដុងផ្នែកសិល្បៈ ដែលចង់ប្រែក្លាយខ្លួនជាតារាថា ពេលនេះផលិតកម្មរាម កំពុងបើកទ្វារចំហរង់ចាំអ្នកមានសមត្ថភាពនិងទេពកោសល្យពិតប្រាកដ។
ផលិតកម្មរាម របស់អ្នកនាង ស្រីអូនសម្រស់ធម្មជាតិ បានប្រកាសកាលពីពេលថ្មីៗនេះ (ថ្ងៃទី១០ ខែតុលា ឆ្នាំ២០២១) ថាផលិតកម្មទើបបង្កើតថ្មី តែសមត្ថភាពផលិតនិងកម្រិតគុណភាព មិនចាញ់ផលិតកម្មចាស់វស្សានិងមានឈ្មោះបោះសំឡេង បានប្រកាសជ្រើសរើសតួសម្ដែង ជាច្រើនរូបមានទាំងផ្នែកបុរស និងទាំងផ្នែកនារី ដោយតម្រូវតាមលក្ខខ័ណ្ឌមួយចំនួនដូចខាងក្រោមនេះ៖
• តួឯកប្រុស៖ អាយុ ១៩ ឆ្នាំ ទៅ ៣៧ ឆ្នាំ មានរាងកាយមាំមួន ទាក់ទាញ និងអាចសម្តែងបានច្រើនចរិកលក្ខណៈ• តួឯកស្រី៖ អាយុ ១៦ ឆ្នាំ ទៅ ៣០ ឆ្នាំ ទន់ភ្លន់សុភាពរាបសា តែអាចសម្តែងបានច្រើនចរិកលក្ខណៈ
• តួឪពុក៖ អាយុ ៣៨ ឆ្នាំ ទៅ ៤៥ ឆ្នាំ មានរាងកាយមាំមួន ចរិត ម៉ត់ចត់ គិតគូរ បានរហ័សរហួន
• តួម្តាយ៖ អាយុ ៣០ឆ្នាំ ទៅ ៤០ ឆ្នាំ ចរិត ស្លូតបូត ទន់ភ្លន់
• តួកូនប្រុស៖ អាយុ ១០ ទៅ ១៨ ឆ្នាំ សុខភាពមាំមួន ក្លាហាន
• តួកូនស្រី៖ អាយុ ៨ ទៅ ១៥ ឆ្នាំ ជាក្មេង ស្លូតបូត គួរឲ្យស្រលាញ់
• តួកំប្លែង៖ មិនប្រកាន់អាយុ និង ភេទ សូមផ្ញើវីដេអូ និងពត៌មានលម្អិតរបស់លោកអ្នកមកកាន់តេលេក្រាមរបស់អ្នករៀបចំកម្មវិធីតាមរយៈ
link៖ https://t.me/Bosokunthea សម្រាប់បងប្អូនដែលជាប់ក្នុងការពិចារណា ក្រុមហ៊ុននឹងធ្វើការទំនាក់ទំនងមកសម្តែងសាកល្បង
ដូច្នេះសម្រាប់ប្រិយមិត្តដែលស្រលាញ់និងមានបំណងចង់ក្លាយជាតារាសម្ដែងអាច ពិនិត្យមើលលក្ខខ័ណ្ឌ ខាងលើហើយអាចទំនាក់ទំនងដើម្បីចាប់យកឱកាសក្លាយជាតារាសម្ដែងបាន។
គួរដឹងថាផលិតកម្មរាម បច្ចុប្បន្ននេះ គឺជាទ្រនំរបស់កំពូលតារាចម្រៀងសំនៀងផ្អែមពីរោះ មាស សុខសោភា និងតារាចម្រៀងពេញសមត្ថភាព អាចច្រៀងនិងលេងឧបករណ៍តន្ត្រីបុរាណនិងសម័យបានច្រើនមុខលោក ដួង វីរៈសិទ្ធ ដែលសុខចិត្តចាកចេញពីផលិតកម្មយក្ស ហង្សមាស មករួមរស់ក្រោមដំបូលផលិតកម្ម រាម៕