បវរកញ្ញាថៃ Kasama Suetrong ឈឺចិត្តនិងតូចចិត្តដែលខ្លួនត្រូវគេ Bully ពណ៌ស្បែក ថតរូបមើលទៅស្រគាំ មិនលេចធ្លោរ ប្រកាសកុំយកគំនិតខ្លួនមកគ្របដណ្ដប់លើអ្នកដទៃ សុំឱ្យមើលលើសមត្ថភាពទេពកោសល្យជាជាងផ្ដោតតែលើសំបុរស្បែក។
វេទិការប្រកួត Miss Universe Thailand 2021 កំពុងតែទទួលបានការចាប់អាមរ្មណ៍ខ្លាំង ប៉ុន្តែក្នុងចំណោមការពេញនិយមដ៏ច្រើនលើសលប់នោះក៏មានមនុស្សមួយភាគនៅតែប្រកាន់ការយល់ឃើញថាបវរកញ្ញាត្រូវតែជានារីរូបស្រស់ សំបុរសភ្លឺថ្លា ដែលពាក្យរិះគន់អស់ទាំងនេះបានធ្វើឱ្យប៉ះទង្គិចផ្លូវចិត្តរបស់អ្នកចូលរួមប្រកួត ដូចជាករណីបេក្ខនារី Kasama Seutrong ដែលរងនូវការរិះគន់ពីសំណាក់អ្នកមិនគាំទ្រ។
បេក្ខនារីរូបនេះបានផុសសំណេររៀបរាប់រឿងរ៉ាវដែលកើតឡើងចំពោះខ្លួនតាមរយៈបណ្ដាញសង្គមរបស់ខ្លួនថា កញ្ញាជាបេក្ខនារីស្បែកស្រគាំ អាចនិយាយបានជានារីមានស្បែកស្រអាប់ខ្លាំងជាងគេបំផុតក្នុងការប្រកួត គ្រប់ពេលចេញក្រៅ កញ្ញាតែងតែឮពាក្យមួយនេះរហូត «ហេតុអីមើលទៅស្បែកស្រអាប់? កប់បាត់រកមើលមិនឃើញ មិនលេចធ្លោរសោះ» ឬ «ស្អាតណាស់ តែរាងស្រអាប់ទៀតហើយ»
កញ្ញានិយាយថា កញ្ញាខុសដែរទេដែលមានសំបុរស្រអាប់? កញ្ញាធ្លាប់ជួប Comment មួយបាននិយាយថា «នេះយើងនៅក្នុងយុគសម័យណាហើយ? នៅមកនិយាយរឿងសំបុរស្បែកទៀតឬ? ហួសសម័យហើយ!» បេក្ខនារីរូបនេះបាននិយាយថាកញ្ញាយល់ស្របចំពោះការលើកឡើងនេះ ដោយកញ្ញាបានលើកឡើងថា បើសិនត្រូវការពាក្យពីរោះពីបេក្ខនារី ដើម្បីផ្លាស់ប្ដូរសង្គម អ្នកចាំបាច់ត្រូវតែមានចំណែកមួយក្នុងការផ្លាស់ប្ដូរនោះដែរ ហេតុអីត្រូវចាំបាច់គិតរឿង ស ខ្មៅ ស្បែកស្រអាប់ ស្រគាំ កប់បាត់ មិនលេចធ្លោរ នៅក្នុងសង្គមដែរ ម៉េចអ្នកគ្រប់គ្នាមិនសាកគិតមើលបើសិនមើលត្រលប់មកវិញ បើសិនបេក្ខនារី Kasama Suetrong មានសំបុរសតើនឹងចេញមកបែបណា? តែបើចេញមកលេចធ្លោរ នោះនឹងបង្ហាញឱ្យឃើញថាអ្នកជាមនុស្សម្នាក់ដែលមិនព្រមទទួលស្គាល់ភាពខុសប្លែកគ្នា។
សម្រាប់កញ្ញាន Kasama Suetrong បានបន្តទៀតថាកញ្ញាមិនអាចផ្លាស់ប្ដូរអ្វីបានច្រើនជាងនេះទៀតទេ ព្រោះសព្វថ្ងៃនេះកញ្ញាបានធ្វើល្អបំផុតសម្រាប់ខ្លួនឯង កញ្ញាបន្តទៀតថាកញ្ញាឈរនៅទីខ្ពស់ហើយប៉ុន្តែកញ្ញានឹងខំប្រឹងឱ្យឡើងកាន់តែខ្ពស់ទៀត ដូចជាព្យាយាមដើរ ព្យាយាមហាត់សមខ្លួនឯង ប៉ុន្តែគ្រប់គ្នាមិនផ្ដោតលើនៅទេពកោសល្យបែរជាទៅផ្ដោតលើសំបុរស្បែកទៅវិញ។
កញ្ញាបានឱ្យដឹងថាកញ្ញាឈឺចាប់និងតូចខ្លាំងណាស់ ប៉ុន្តែការតូចចិត្តនោះមិនមែនដោយសារតែកញ្ញាកើតមកសំបុរមិនសនោះទេ តែកញ្ញាខូចចិត្តដែលសង្គមនៅឱ្យតម្លៃចំពោះរឿងនេះ កញ្ញាខំតែគិតថារឿងនេះបានបាត់ចេញពីសង្គមទៅហើយ កញ្ញាសង្ឃឹមថាគ្រប់គ្នានឹងជួយគ្នាផ្លាស់ប្ដូរផ្នត់គំនិតបែបនេះ ហើយទទួលស្គាល់ភាពខុសប្លែកគ្នាឱ្យកាន់តែច្រើនឡើង នោះអ្នកប្រាកដជាមើលឃើញតម្លៃរបស់មនុស្សម្នាក់នោះ ហើយនឹងមើលរំលងរឿងសំបុរស្បែក។