តារាសម្ដែង និងពិធីការិនីភេទទី៣ កញ្ញា យ៉េយ៉េ បានធ្វើឱ្យអ្នកគាំទ្រ ក៏ដូចជាមិត្តសិល្បៈដូចគ្នាភ្ញាក់ផ្អើលយ៉ាងខ្លាំងនៅពេលដែលកញ្ញា បានបង្ហោះឈុតស្លៀកឈុតម៉ៃយ៉ូយ៉ាងស្រស់ស្អាត ថែមសិចស៊ីនៅមាត់សមុទ្រ ដែលធ្វើឱ្យមិត្តសិល្បករអត់ទ្រាំមិនចូលដាក់ម្នាក់មួយម៉ាត់នៅខាងក្រោមរូបដែលតារារូបនេះបានបង្ហោះ។
តារាភេទទី៣រូបនេះបានរៀបរាប់ថាឈុតដែលខ្លួនស្លៀកនេះ សម្រាប់ទៅលេងទឹក ជាងនោះទៀតកញ្ញាថែមទាំងពោលយ៉ាងជឿជាក់ទៀតថា ធាត់ឬស្គមមិនសំខាន់ទេ អ្វីដែលសំខាន់នោះគឺភាពជឿជាក់។ យ៉ាងណាមិញ យ៉េយ៉េ ឆ្លៀតនិយាយលេងបន្លំមែនថាហាមក្អូតព្រមទាំងបង្ហើបឱ្យដឹងផងដែរថារកទាល់តែគ្មានមនុស្សទើបហ៊ានចុះថត។
«បញ្ជាក់ឈុតនេះខ្ញុំស្លៀកសម្រាប់ទៅលេងទឹកទេ ធាត់ស្គមមិនសំខាន់ អោយតែយើងមានភាពជឿជាក់ ហាម Comment ក្អួតណាបងប្អូន ល្មមបានថតឈុតនេះជិៈរកជិត១ម៉ោងរកកន្លែងអត់មនុស្ស»
រូបភាពដ៏ស្រស់ស្អាតរបស់ យ៉េយ៉េ ត្រូវបានមិត្តសិល្បករសំរុកចូលមក Comment សរសើរ និង លើកទឹកចិត្ត តារារូបនេះយ៉ាងច្រើនក្នុងនោះមាន៖ តារាសម្ដែងជើងចាស់ ទេព រិន្ទដារ៉ូ, អ្នកដឹកនាំរឿង រ៉ូណាន់ ចាន់ណា,តារាសម្ដែង យ៉ែម ស្រីពេជ្រ,សឿន ផានផាភួង, តារាសម្ដែងអ្នកនាង ឌី សូនីតា, ពិធីករល្បី សុខ រ៉ាស៊ី, តារាចម្រៀង ករុណា ពេជ្រ…។